Array ( [titulo] => CIRCULARSEAS proiektu europarra bukatu da 5 produktu jasangarri berri sortuz [content] => Hondakin plastikoak itsas industrientzako produktu jasangarri bihurtzea helburu izan duen CircularSeas 2019ko apirilean abiarazi zen. Hiru urte eta erdiko epean, bazkideen lana itsas sektorerako produktu edo osagai iraunkorragoak garatzea izan da, 3D inprimaketako teknologiaren bidez, industriak berak sortzen dituen hondakin plastikoetatik abiatuta. BRTA aliantzako kide den Leartiker zentro teknologikoak (proiektuaren liderra) eta Leartibai Fundazioa eskualde-garapenerako agentziak (Ondarroako nodoaren arduraduna) parte hartu duten egitasmo honen jarduerak proiektuko bazkideek ordezkatu dituzten portuen 5 nodotan oinarritu dira: Ondarroa (Euskadi), Vigo (Galiza), La Rochelle (Frantzia), Cork (Irlanda) eta Peniche (Portugal). Horrela, bere ibilbidea hasi zuenetik proiektuak hainbat fase izan ditu. Lehenengo fasean, lehen aipatutako 5 nodoetan bildutako hondakin plastikoen diagnostikoak egin ziren, ondoren horiek karakterizatzeko eta itsas sektorerako produktu jasangarri bihur daitezkeen birziklatutako lehengai posible gisa identifikatzeko. Produktu “berdeak” sortzeko erabili beharreko hondakinak zehaztu ondoren, hondakin plastikoen errebalorizazio-prozesu bat egin zen, itsas hondakinetara egokitua, material-formulazio desberdinak garatuz, ondoren harizpi bihurtzeko eta nodo bakoitzean aukeratutako produktuak inprimatzeko. Prozesu horrek berrikuntzak ditu, hala nola estrusio prozesu egonkor eta kontrolatua, birziklatutako materialetara egokitutako kamera termikoa duen 3D inprimagailua eta itsasontzietan 3D inprimaketako azterketa. Azkenik, proiektuko bazkideek aplikazio mugikor bat garatu dute itsas industrietan 3D inprimaketako teknologia errazago erabil ahal izateko. Aplikazio hau prest dago azken erabiltzailea urrats sinpleen bidez gidatzeko, bai material birziklatua aukeratzeko prozesu egokienean, bai azken inprimaketan, parametro automatizatuen doikuntzarekin. Itxiera ekitaldia eta emaitzen aurkezpena Vigon Azaroaren 30ean, CIRCULARSEAS proiektu europarraren itxiera ekitaldia egin zen Vigoko Unibertsitatean (UVI). Bertan, proiektuan parte hartu duten portuko 5 nodoetako bazkideak egon ziren. Jardunaldian bazkideek hondakinak hobeto kudeatzeko egindako garapen teknologikoak aurkeztu ziren, nodo bakoitzean ekonomia zirkularraren ezarpena bultzatzeko. Era berean, produktu jasangarriak nodoetan ezartzeko proba pilotuetan egindako aurrerapenak erakutsi zituzten. Produktu jasangarri berrien garapena CircularSeas proiektuan parte hartu duten portuko 5 nodoek bildutako hondakin plastikoetatik abiatuta sortuko dituzten produktu jasangarri berriak definitu dituzte, eta, halaber, horiek fabrikatzeko negozio-ereduak sortu dituzte. Horietako batzuk dagoeneko hasi dira produktu horiek merkatuan ezartzeko proba pilotuekin, eta beste batzuk laster egingo dituzte. Ondarroako Nodoa (Espainia): baztertutako poliamida-sareetatik abiatuta, arrainarentzako prezioen euskarriak sortu dituzte, eta, gaur egun, inplementazio-prozesuan murgilduta daude etiketa arrandegien beharretara egokitzen dela bermatzeko. Vigoko Nodoa (Espainia): errodamendu euskarriak garatu dituzte, baztertutako enbalatzeko zumitzetatik abiatuta, eta dagoeneko proba esperimentalak egiten ari dira zinta garraiatzaileetan. La Rochelle Nodoa (Frantzia): arrakastaz inprimatu dute surf tauletarako gilen lehen bertsioa, ostra-kolektoreetatik datozen hondakinekin, eta laster hasiko dira proba pilotuekin. Cork Nodoa (Irlanda): nylonezko orgatiletarako gurpilak egin dituzte material bereko arrantzarako sareak berrerabiliz, eta arraina eraldatzeko instalazioetan saiakuntzak egiteko zain daude. Peniche Nodoa (Portugal): plastikozko kaxak berrerabili dituzte itsasontzien kaskoetarako moldeak diseinatzeko, eta laster proba esperimentalekin hastea espero dute. Arrantza-sektorea Euskadiko garapen ekonomikoaren ardatz Arrantza-sektorea eta Ekonomia Zirkularra bateratzeko beharraren aurrean, Lea-Artibaiko eskualdeko eragileek, tartean Leartikerrek eta Leartibai Fundazioak, duela 7 urte lerro estrategiko hori definitu zuten eskualdearen garapen ekonomikorako Lea-Artibai 2020 estrategiaren barruan. Horregatik, bi erakunde horiek CircularSeas proiektu europarrean parte hartu dute, honako bost bazkide hauekin batera: Université de La Rochelle (ULR), Communauté d 'Agglomération de La Rochelle (CdA-LR), Vigoko Unibertsitatea (UVI), Cork Institute of Technology (CIT) eta Leiriako Institutu Politeknikoa (IPLeiria). Portuetako hondakinen kudeaketak bide luzea du oraindik egiteko, eta asko dira balio-kate lineala zirkular bihurtzeko ezar daitezkeen hobekuntzak: hondakinen sailkapena eta kudeaketa optimizatzea portuetan eta hondakin horiek inguruan errebalorizatzeko aukerak sortzea. Gaur egun, errebalorizazio-aukera gehienak gure mugetatik kanpo daude, eta, gainera, garraioak kostu ekonomiko eta burokratikoa dakar. Hala ere, Birziplastic bezalako inguruko enpresa birziklatzaileak Leartikerrekin elkarlanean ari dira Euskadin itsas hondakinentzako balio zirkularreko kate hori ezartzeko. Ezinbestekoa da jardunbide egokiak hondakin plastiko mota guztietara zabaltzeko modua bilatzea. Horretarako, CircularSeas proiektuaren esparruan, hondakin plastikoen sorkuntza- eta kudeaketa-zikloa modu eraginkor eta errealistan ixtea lortzeko eskualdean dauden erronkak eta aukerak identifikatu dira, arrantza-sektorearen estrategiak eta Ekonomia Zirkularra bateratuz. [url] => https://www.spri.eus/azpiegiturak-komunikazioa/circularseas-proiektu-europarra-bukatu-da-5-produktu-jasangarri-berri-sortuz/ [categoria] => Azpiegiturak [imagen] => [fecha] => 16 Urtarrila, 2023 )

Array ( [titulo] => IndeusBerri: industria eta euskara uztartzen dituen informazioaren topagunea [content] => Bat Soziolinguistika aldizkariak argitaratu duen azken zenbakia nabarmendu du gaur IndeusBerrik, "Euskara esparru sozioekonomikoan" gaia baita ardatz nagusia. Honekin batera Bizkaia Enpresa Digitalak antolatu duen tailerra, Google Analytics 4 tresnari buruzkoa, euskaraz egingo dena urtarrilaren 30ean; eta Industria Berriaren Hiztegiko kontzeptu berri bat: Bloke-katea. [url] => https://www.spri.eus/azpiegiturak-komunikazioa/indeusberri-industria-eta-euskara-uztartzen-dituen-informazioaren-topagunea-49/ [categoria] => Azpiegiturak [imagen] => [fecha] => 13 Urtarrila, 2023 )

Array ( [titulo] => Sprilur-ek Azucarera Eraikinaren kanpoaldeko argiztapena berritu du eguzki xafladun 27 led farola hibrido jarrita [content] => Argiztapen ekipoak berritzeko 18.739 euroko inbertsioa egin da.   Sprilur-ek Gasteizko Azucarera eraikin historikoan egin dituen azken hobekuntzak izan dira energia geotermikoz dabilen girotze-sistema bat ezartzea autokontsumorako 2020an, eta ibilgailu elektrikoentzako hainbat birkarga-puntu jartzea 2022aren erdialdean. Orain kanpoaldeko argiztapena berritu da eguzki-energia fotovoltaikoz dabiltzan 27 LED farola berri jarrita.   Farolak eraikinerako sarrera eta aparkalekua inguratzen dituen kanpoaldeko espazioan jarri dira, lehendik zeuden farolen zutabeak aprobetxatuta, 6.765 m²-ko azaleran. Farolak hibridoak eta konpaktuak dira, 30 W-ko potentzia dute, eta eguzki-xaflek 35 watioraino sor ditzakete eguraldi-baldintza estandarretan. Sprilur-ek 18.739 euroko inbertsioa egin du energia berriztagarria darabilten 27 argiztapen-ekipo horiek jartzeko.   Energia berriztagarriekin kanpoaldeko argiztapena berritu ondoren energia gehiago aurreztu ahal izango da, autokontsumoa hobetuko da eta berotegi efektuko emisio gutxiago isuriko dira ingurumenera. Datu esanguratsu gisa, neurri jasangarri berri horri esker 1.026 kg CO2 gutxiago kontsumituko dira urtean, hau da, 103 zuhaitzek urtebetean xurgatzen dutena adina, eta posible egiten du kanpoaldeko argiztapenean A mailako kalifikazio energetikoa lortzea.   2022an egindako Azucarera Eraikinaren Eraginkortasun Energetikoaren Bigarren Auditoretzatik eratorritako Ekintza-plana da ekimen honen hazia. Auditoretza horretan sakon aztertu dira eraikinari buruzko hainbat alderdi: eraikuntzari dagozkionak, kontsumoari eta eraginkortasunari buruzko analisi tekniko-ekonomikoa edo parametroen monitorizazioa, beti ere instalazioetako kontsumo-adierazle errealak optimizatzeko. Auditoretzaren ondorioak biltzen dituen txostenak dio Azucarera eraikinak %5,45ean gutxitu duela bere energia kontsumoa azken urteetan, batere gutxitu gabe hargatik erabilitako espazioa eta enpresa-jarduera.   Eraginkortasun adierazle horiei gehitu behar zaizkie Azucarera eraikinean kokatuta dauden 15 enpresa eta 340 langileek behar duten energiaren % 30 geotermia bidez sortzeagatik lehendik jasota zeuden emaitzak. Hobekuntza-neurri horiei guztiei esker eraikinak, eraginkortasun energetikoko kalifikazio eta maila handiak lortu ditu azken urteetan.   Era berean, Energia arloko Ekintza Planetik 16 jardunbide egoki atera dira erabiltzen diren espazioetan energia aurrezteko eta eraginkortasuna hobetzeko. Horien artean aipagarriak dira hauek: langileak sentsibilizatzea energia aurreztu dezaten, espazioetako argi naturala ahalik eta gehien aprobetxatzea, argiak itzaltzea 20 minutu baino gehiago kanpoan egon ondoren, argiak erregulartasunez garbitzea (urtean birritan), berogailuen ordutegiak programatzea, berogailuak erregulatzea eta mantenimendu lanak egitea, tenporizadoreak jartzea argietan eta bainugeletan, ordenagailuak itzaltzea eta energia aurreztea inor ez dagoenean, fakturazioa aldian behin kontrolatu eta berrikustea, potentzia kontrolatzea, ekipo eta etxetresna eraginkorrak erostea, etab.   Sprilur lerrokatuta dago  Garapen Jasangarrirako Euskadi 2030 Agendan jasotako GJHekin, eta plan horretan jasotako hobekuntza-neurriak betetzen eta aplikatzen ditu bere jardueraren prozesu integralean, hasi jarduera ekonomikorako azpiegituren obra eta proiektuen plangintzatik eta euren kontratazio, idazketa eta exekuzioraino.   [url] => https://www.spri.eus/azpiegiturak-komunikazioa/sprilur-ek-azucarera-eraikinaren-kanpoaldeko-argiztapena-berritu-du-eguzki-xafladun-27-led-farola-hibrido-jarrita/ [categoria] => Azpiegiturak [imagen] => [fecha] => 12 Urtarrila, 2023 )

Array ( [titulo] => Obretara, proiektu idazketetara eta zerbitzuetara bideratutako 15,9 milioitako 18 lizitazio argitaratu ditu Sprilur Taldeak 2022. urtean [content] => Bost obra-lizitazio eskaintzak jasotzeko fasean daude, horietatik zortzi obrak idatzi eta zuzentzeko proiektuak dira, eta gainerako bostak Taldeko Sozietateei laguntza, mantenimendu eta kudeaketa zerbitzuak emateko lizitazioak.  Sprilur-ez gain, beste hiru Industrialdeak sozietatek (Bidasoa Oarsoko Industrialdea, S.A., Beterri Kostako Industrialdea, S.A. eta Busturialdeko Industrialdea, S.A) jo behar izan dute kontratazio publikora euren proiektuak garatzeko.   Sprilur-ek 2022aren hasieran aurreratu bezala, Eusko Jaurlaritzako lurzoru industrialaren kudeaketako sozietateek 40 proiektutik gora garatuko dituzte EAEn datozen urteetan, jarduera ekonomikorako lurzoruak birgaitu eta berreskuratzeko estrategiaren barruan. Hala, ekitaldia amaitu denean esan dezakegu Sprilur Taldeak 18 lehiaketa argitaratu dituela 2022an, 15,9 milioi euroko kontratazioak egiteko.   Lizitazio horietatik bost obratarako dira, gauzatzea aurreikusten den zenbateko osoaren %80 baino gehiago hartzen dutelarik obra horiek. Hala, guztira 12,8 milioi euro lizitatu dira Urbanizazio edo/eta Eraikuntza atalean.   Sprilur-en obra kontratazioen artean aurkitzen dira, besteak beste, Herrera iparraldean erabilpen tertziarioko eraikin berri bat egitea (Pasaia), Burtzeña industrialdean Maser lantegiaren instalazio zaharrak eraistea (Barakaldo) eta SC1 Pinoa eremu industriala berrurbanizatzea (Zamudio). Hiru Industrialdeak sozietateei dagokienez, Bidasoa Oarsoko Industrialdea, S.A.k pabilioi berriak egingo ditu Araso industrialdeko partzela batean (Irunen) eta Beterri Kostako Industrialdea, S.A.k hainbat obra egin behar ditu Zuatzu Enpresa Parkean dauden bi eraikin atontzeko (Donostian) eta era berean, Busturialdeko Industrialdea, S.A.k eskatu du urbanizazio proiektu bat idaztea Muxikan. Proiektu horietako gehienek lizitazio gehiago ekarriko dituzte 2023an.   Bestalde, Proiektuen idazketa eta Obren zuzendaritzari dagokionez, Sprilur-ek 2,26 milioi euroko zortzi lehiaketa argitaratu ditu 2022an, horretara bideratuz kontratazio-bolumen osoaren %14. Atal honetako kontratazioetan dokumentazio teknikoa idatzi behar izan da eraikin berri bat diseinatzeko Eibarko Erisono industrialdean, Osasun poloa izeneko erabilpen tertziarioko eraikin bat diseinatzeko Sestaon, Gasteizen garatuko den fabrikazio aurreratuko zentroaren proiektua egiteko, Gueñesen eraikin bat birgaitzeko eta Zumarragako altzairu-lantegi zaharraren lurrak egokitu eta berrurbanizatzeko.   Azkenik, 863.250 euroko bost kontratu adostu dira zerbitzu, mantenimendu eta kudeaketa arloan, lizitatutako kopuru globalaren %5,4 guztira. Atal horretako kontratazioen barruan sartzen dira Gasteizko Azucarera eraikinaren mantenimendua eta Taldeko sozietateen kalitatearen kudeaketa eta ingurumen arloko ikuskapena.    AURREIKUSPENA 2023RAKO 2023ari begira, Sprilur-ek eta Industrialdeak sozietateek lizitazio berriak argitaratuko dituzte aurreikusitako proiektu eta obrei hasiera emateko. Gipuzkoan, aipagarriak dira eraikin berri bat egiteko proiektua Eibarren eta lurrak berrurbanizatzeko proiektua Zumarragan. Bizkaian aipagarriak dira Santurtzi eta Barakaldoko (Burtzeñako) lur kutsatuak berroneratzeko proiektua eta Osasun poloa izango den eraikin berria egiteko proiektua Sestaon. Eta Araban, automobilgintza sektorerako fabrikazio aurreratuko zentroaren proiektu-idazketa Gasteizen.   Sprilur-ek eta Industrialdeak Sozietateek (SPRI Taldean eta  Ekonomi Garapen, Jasangarritasun eta Ingurumen Sailean integratuak) mantendu egingo dituzte euren estrategia, jarduera eta inbertsioak, helburutzat harturik lurra eta azpiegiturak berreskuratzea ekonomia jasangarri bat sortzeko, enpresen garapena ahalbidetzeko eta inbertsioa erakartzeko Euskal Autonomi Erkidegora.   [url] => https://www.spri.eus/azpiegiturak-komunikazioa/obretara-proiektu-idazketetara-eta-zerbitzuetara-bideratutako-159-milioitako-18-lizitazio-argitaratu-ditu-sprilur-taldeak-2022-urtean/ [categoria] => Azpiegiturak [imagen] => [fecha] => 10 Urtarrila, 2023 )

Array ( [titulo] => BasKeepen inbertitzaileen ia % 90 dira Euskadikoak eta automobilgintzako, makina-erremintako eta ingurumeneko enpresa txikiak bilatzen dituzte [content] =>

• Erregistratutako enpresen profil gehienak Bizkaikoak dira, fabrikazio gehigarria aplikatzen dute eta dimentsioa lortu nahi dute.   

 

• BasKeep da euskal enpresa industrialak eta inbertitzaileak modu errazean, arinean eta konfidentzialean lotzen dituen lehenengo aplikazioa.  

  BasKeepek, euskal enpresa industrialak etorkizuneko inbertitzaileekin lotzen dituen lehenengo aplikazioak, bere plataformako lehenengo datuak bildu eta aztertu ditu, erregistratutako inbertitzaileen eta enpresen profilak ezagutzeko xedearekin, abiarazi zenetik urtebete igaro ostean. Izan ere, SPRI enpresa garapenerako euskal agentziak garatutako aplikazioak dagoeneko 50 enpresa industrial eta 80 inbertitzaile baino gehiago ditu erregistratuta.   Azken hilabeteetan inbertitzaileen erregistroak asko egin du gora, eta BasKeepek Euskadiko enpresetan interesatutako inbertitzaileen profilen balantzea egin eta profil horiek aztertu ditu (enpresa horien jatorria, profil profesionala eta bilatzen duten enpresa-mota, sektorearen, fakturazioaren eta tamainaren arabera).  Ondorio nagusien artean, nabarmendu behar da Baskeepeko inbertitzaile erregistratuen % 88 Euskadikoak direla, eta gehienak banakakoak edo enpresa industrialak dira. Halaber, enpresa txikiak bilatzen dituzte, 10 milioi euro baino gutxiagoko fakturaziokoak eta 10 eta 15 langile artekoak. Interesik handien sortzen duten sektoreei dagokienez, honako hauek dira gehien bat: automobilgintza, makina-erreminta, ingurumena, metalurgia, elikadura, bio-osasuna, energia eta industriari lotutako zerbitzuak. Bestalde, bilaketa-eskaera txikiena jasotzen duten profilak eraikuntzakoa, itsasokoa, kimikoa eta paperarena dira.   Bilaketa-arrazoiei dagokienez, belaunaldi-ondorengotza edo -aldaketa da inbertitzaileengan interes handiena pizten duena, eta, jarraian, bazkide-bilaketa (dimentsioa lortzeko), konkurtso-egoerako ekoizpen-unitatearen eskualdatzea eta konpainia beste egoera batean eskualdatzea. Azkenik, gutxien eskatutako arrazoia konpainiaren zorra birfinantzatzea da. Gogorarazi behar da plataforma hori Euskadin egoitza duten mota guztietako enpresa industrialentzat zabalik dagoela, baldin eta konpainiarako bazkide berriak bilatu nahi badituzte.  Alta hartu ahal dute negozioa finkatzeko, tamaina handitzeko edo etorkizunean jasangarritasuna hobetzeko interesa duten enpresek, bai eta belaunaldi-ondorengotzan laguntza behar dutenak edo zailtasun ekonomikoak dituztenak ere. Helburua da bat datozen eta Euskadiko enpresa-ekosistemaren parte izan nahi duten inbertitzaileek modu arinean topatu eta identifikatzea. Izan ere, BasKeepen onurak daude bi norabideetan; erregistratutako enpresek negozio-planak betetzen lagunduko dieten bazkideak aurkitu ahalko dituzte, eta, aldi berean, inbertitzaileek euren interesekin lerrokatutako inbertsio-aukera berriak topatu ahalko dituzte.   

Enpresa gehienek dimentsioa lortu nahi dute

Aplikazioan erregistratutako 50 enpresetatik, erdia baino gehiago (% 52) industriari eta metalen ekoizpenari eta eraldaketari lotutako sektoreetakoak dira. Jarraian, automobilgintza, bio-osasuna eta logistika daude, besteak beste. Enpresa horiek lanak egiteko gehien erabiltzen dituzten teknologiei dagokienez, nabarmentzen da % 30ek fabrikazio gehigarria aplikatzen dutela, eta, jarraian, material aurreratuak, makina adimendunak eta ekipo konektatuak daudela. Gutxiengoa dira robotika malgua, zibersegurtasuna edo Data Driven Solutions erabiltzen dutenak.     BasKeepeko enpresek inbertitzaileak bilatzeko arrazoien artean, enpresa bakoitzak baten baino gehiagoren alde egin dezake. Gaur egun, gehienek dimentsioa lortu nahi dute. Jarraian, zerga birfinantzatzea, zorra eskualdatzea, ondorengotza edo belaunaldi-aldaketa daude, eta azkenik, konkurtso-egoeran dagoen ekoizpen-unitatearen aldaketa. Horrek esan nahi du hazkundea bizkortzeko bazkide bat bilatzea eta zorra birfinantzatu ahal izateko kapital gehigarria bilatzea direla izena eman duten erakundeen artean gehien islatu diren arrazoiak. Zehazki, dimentsioa lortu nahi dutenak hedatzeko eta hazteko asmoa duten enpresak dira, baina ez dituzte horretarako behar besteko baliabideak eta BasKeepen inbertitzaile bat bilatzen dute, bazkide minoritarioaren rola izateko eta kapitalari dagokionez bultzatzeko. BasKeep proiektu pilotu gisa kaleratu zen 2022ko hasieran eta plataformako inbertitzaileek hogeita hamar informazio-eskaera baino gehiago jaso dituzte dagoeneko. Halaber, aplikazio berri horren arrazoi nagusietako bat da inbertitzaileei eta enpresei “match” egiten laguntzea, enpresa edo inbertitzaile egokia aurkitzeko.  [url] => https://www.spri.eus/azpiegiturak-komunikazioa/baskeepen-inbertitzaileen-ia-90-dira-euskadikoak-eta-automobilgintzako-makina-erremintako-eta-ingurumeneko-enpresa-txikiak-bilatzen-dituzte/ [categoria] => Azpiegiturak [imagen] => [fecha] => 04 Urtarrila, 2023 )

Array ( [titulo] => Wake up! Albiste ekintzaile batzuk sarean [content] => Wake up! -ek Komunikabide eta Sareko Blog desberdinek argitaratutako albisteen hautaketa txiki bat egunero partekatzen du Linkedinen: Ideiak, proiektuak, negozioak, startupak, enpresak etab. Euskadi, 2022ko Abenduaren 12tik astea. [url] => https://www.spri.eus/ekintzailetza/wake-up-albiste-ekintzaile-batzuk-sarean-221212/ [categoria] => Azpiegiturak [imagen] => [fecha] => 17 Abendu, 2022 )

Array ( [titulo] => Tapia: “Ahalik eta lasterren izan beharko genituzke Europako baliabideak behar ditugun inbertsio eraldatzaile horiek egin ahal izateko” [content] => Espainiako Espazio Agentzia: Gogaitzen gaituena ez da erabakia; aitzitik, badirudi Sevillara destinatuta zegoela hasieratik. Badirudi prozesua irekita zegoela Sevilla justifikatu ahal izateko. Gainera, bazen beste institutu bat han definitu zena, lehiaketarako aukerarik gabe. Formak bestelakoak izan zitezkeela uste dugu. Itxaropen ekonomikoak. Ez gaitu kezkatzen Gabonetako kanpainak, epe luzeak baizik. Uda ostean, ikusten genuen ikasgaien prezioen igoerak oso eragin negatiboa izan zezakeela, eta atzeraldi batera ere eraman gaitzakeela, baina ez da hala izan. Gure industriak lanean jarraitzen du, nahiz eta hazkundea apur bat ahuldu den. Zailtasun gehigarri batekin, PERTEak, Next Generation funtsak atzerapenarekin esleitzen ari dira, eta inbertsio batzuk atzeratzen ari dira. Baliabide horiek ahalik eta lasterren eduki beharko genituzke, inbertsio eraldatzaileak egin ahal izateko. Energia prezioak: Egoera ez da aurreikusten genuena bezain kezkagarria, baina oraindik hilabete hotzenak geratzen dira, eta ez da gerraren amaiera ikusten. Hori ez da erabat argitu, eta gure enpresek ondorioak jasaten jarraituko dute, baita administrazioek eta gizarteak ere. Atzeraldiaren egoera ez da probablea, baina geldialdi batek posible dirudi. Energia berriztagarriak: Egoera honetan, deskarbonizazioa eta berriztagarrietarako trantsizioa azkartu egin da, baina baimenen prozesua ere bizkortu behar dugu, inbertsio-ahalmen horiek lehenbailehen martxan jartzea behar dugu. Sortzen dugun energia gertuko lekuetan kontsumitzea lortu behar dugu, eta energia horren partaide izatea. Ulma/Orona: Eta errespetu osoa bi kooperatibek osatzen dituzten erabakiei eta Mondragon Taldearen erabakiei. Herrialde gisa, elkartasunean, guztion ongian eta epe luzerako begiradan oinarritutako proiektu kooperatibo hori aintzat hartzea interesatzen zaigu, une on eta txarretan funtzionatzen duen eredu erresilientea dela frogatu baita. Industria-arloko eredu kooperatiboa da, errekonozimendu handia duena, eta horrelako erakundeak izaten jarraitzea interesatzen zaigu. Industria-hondakinen kudeaketa: Jakin behar dugu 2030era arte onartutako hondakinen plan bat dugula eta gai izan behar dugula industria-hondakinen gaiari heltzeko. Ekoberrikuntzaren bidez, hondakin gutxiago izatea, zabortegira material gutxiago eramatea eta material gehiago eta gehiago balorizatzea lortu behar dugu. Gaur egun, material guztiak ezin dira balorizatu. Europak eta Estatuak aginduta, udalerri guztiek inbentario bat eta plangintza bat izan behar dute 2028rako, sinadura-agiria kendu eta gordetzeko, eta Gardelegik Gasteiztik datozenak gorde ditzake. Eremu bakoitzak hondakin horien erantzule egin beharko luke, elkartasuna eta erantzukizuna bezalako kontzeptuetan oinarrituta. Ez da jasangarria, ezta solidarioa ere, herri batean daukagun hozkailua aldameneko udalerrira edo inguruko lurraldera eraman dezakegula pentsatzea. Ahalik eta ondoen gorde behar da, baina elkartasunagatik eta erantzukizunagatik egin behar da. [url] => https://www.spri.eus/azpiegiturak-komunikazioa/tapia-ahalik-eta-lasterren-izan-beharko-genituzke-europako-baliabideak-behar-ditugun-inbertsio-eraldatzaile-horiek-egin-ahal-izateko/ [categoria] => Azpiegiturak [imagen] => [fecha] => 07 Abendu, 2022 )

Array ( [titulo] => Ekiluzek herritarren kooperatibak sustatzen ditu energia berriztagarrien sorkuntzarako [content] => Iturri berriztagarrietatik sortutako energiaren aldeko apustua gero eta beharrezkoagoa da, egungo energia-prezioen igoeraren edo gas-horniduraren zailtasunen ondorioz. Repsol eta Krean (Mondragon Korporazioa) elkartu dira belaunaldi berriztagarriko herritarren kooperatibak sortzea sustatzeko, Ekiluz merkaturatuz. Proiektu horrek kontsumitzaileen eta energiaren arteko harremana eraldatu nahi du, kudeaketan benetako parte-hartze eraginkorra emanez.

“Antsizio energetikoa bultzatzeko, eguzki-kooperatibak sortzen ditugu”, azaldu dute ekimena bultzatzen duten enpresek."

Praktikan, Ekiluzek energia elektriko fotovoltaikorako sarbide orokorra ahalbidetzen du, baita hiri-gune konplexuetan ere, eraikin bertikalak dituztenak eta eguzki-panelak kokatzeko lekurik ez dutenk. Ekimenari esker, landa-eremuek instalazio kolektiboetan ere parte hartu ahal izango dute, garapen sozioekonomikoan lagunduz. “Ekiluz tokiko energia-komunitatearen eredu bat da, bazkideen energia demokratikoki ekoitzi, kontsumitu eta kudeatzeko”. Helburu horrekin diseinatzen dira instalazio fotovoltaikoak, bazkide kooperatibisten urteko elektrizitate-kontsumo guztia estaltzeko. “Bazkide bakoitzak instalazioko eguzki-panelen kopuru bat izango du, familia horretako energia elektrikoaren kontsumoaren baliokidea den energia-bolumena sortzen dela ziurtatzeko”. Panelen kokapenari dagokionez, hauek zure udalerritik ahalik eta gertuen izango dira. Kasu bakoitzean kokapen zehatza zehazteko, Ekiluzeko arduradunek lursailik egokienak, ebakuazio elektrikoko lineen erabilgarritasuna, lurzoruen kalitatea, ingurumenean izan ditzakeen eraginak eta beste faktore batzuk aztertzen dituzte kokapena egokiena izan dadin. Bestalde, proiektu kooperatibistak sorkuntza-kostu egonkorra eta eragiketa-epe oso luzekoa (25 urte edo luzeagoa) barne hartzen du, alderdi teknikoak eta ekonomikoak eta sozialak integratzen dituen eredu batekin. “Herritarrek parkeak eraikitzen eta kudeatzen dituen kooperatiban parte har dezakete, eta beren eguzki-panel identifikatuak izan ditzakete. Horrela, parte-hartze eta kontrol handiagoa izango dute prozesuetan”, nabarmentzen dute Ekiluzetik. Gaur egun, Ekiluzek hamar bat proiektu berriztagarri kudeatzen ditu Kantabrian, Andaluzian, Valentziako Erkidegoan eta Galizian. Zifra orokorretan, 7369 etxetan elektrizitatea eskaintzen duten hamar kooperatiba biltzen ditu, eta 13.149 kwp-ko potentzia sortzea espero du, urtean 4.000 tona CO2 baino gehiago isurtzea saihestuz. “Gure helburua energia berriztagarria Espainiako toki guztietara hurbiltzea da, eta, aldi berean, eraikitako instalazio fotovoltaikoa udalerri bakoitzarentzat ekonomikoki eta ingurumenaren aldetik eraginkorrena dela bermatzea”. +info: ekiluz.com [url] => https://www.spri.eus/ekintzailetza/ekiluzek-herritarren-kooperatibak-sustatzen-ditu-energia-berriztagarrien-sorkuntzarako/ [categoria] => Azpiegiturak [imagen] => [fecha] => 05 Abendu, 2022 )

Array ( [titulo] => Sprilur-ek abian jarri ditu erabilpen tertziarioko eraikin berri baten eraikuntzarako lanak Pasaiako Portuko Herrera ingurunea birgaitzeko prozesuan [content] =>

Pasaiako badian azpiegiturak eta portu-hiria hobetzeko orain arte egindako jarduketez gain, industriguneak eta jarduera ekonomikoa egokitu eta birmoldatuko dira.

SPRI Taldean integratutako Sprilur sozietateak (Eusko Jaurlaritzaren lurzoru industrialaren kudeaketako erakundea) datorren martxotik aurrera hasiko ditu Pasaiako Portuaren barruko Herrera iparraldeko L.3.1 partzelan erabilpen tertziarioko eraikin berri bat eraikitzeko lanak. Proiektua definitu eta diseinatze aldera, 2021aren amaieran Sprilur-ek ideia-lehiaketa baterako deialdia egin zuen, Eraikina eta Urbanizazioa gauzatzeko lanen Proiektua idatzi eta lan horiek Zuzentzeko, zeintzuk hemendik gutxira abiaraziko baitira. Eraikuntza-lanekin batera, Portuko Agintaritzak baita ere abiatuko ditu eraikin berria kokatuko den partzelaren atontze eta urbanizazio osagarrirako lanak. Espazio berri horrek bere baitan hartuko ditu Adinberri Proiektuarekin lotutako zerbitzu-enpresak, eta baita ere Ekonomia Urdineko Enpresa Gunearekin zerikusia duten beste batzuk. 4.941 metro koadroko eraikin berriak sotoa, beheko solairua eta bi solairu gehiago izango ditu. Hauek dira solairu bakoitzaren azalerak: sotoak 2.058 metro koadro izango ditu, eta gainerako hiru solairuetako bakoitzak (beheko solairua eta altuerako beste bi solairuak) 1.647 metro koadro. Eraikinean 22 lokal egongo dira, 42 eta 120 metro koadro bitarteko azalera erabilgarriak izango dituztenak. Bestalde, lurpeko 51 aparkaleku atonduko dira, eta ibilgailu elektrikoentzako karga-puntuak ere egongo dira. Eraikinaren ezaugarri eta prestazioei dagokienez, bete egingo du mota honetako eraikinentzako jasangarritasun energetikoa arautzen duen 4/2019 Legea, eta energia kontsumo ia nulua izango du. Hala, kontrol eta erregulazio sistema bat prestatuko da argi naturalaren aprobetxamendua optimizatzeko. Eraikinaren egiturarako erabiliko diren elementuak aurrefabrikatuak izango dira, denak ere zigilu ekologikoa eta jasangarritasun maila gorena (A) duten materialak. Bestalde, teilatuan xafla fotovoltaikoak instalatuko dira energia sortzeko, eta horrela, eraikineko gune komunetan behar den gutxieneko kontsumoari aurre egiteko. Sei milioi euroko inbertsioa aurreikusi da eraikuntzarako, eta lanak egiteko epea 18 hilabetekoa izango da. 2021-2024 aldirako lurzoruaren kudeaketako estrategiaren barruan, Sprilur-en (Eusko Jaurlaritza) helburu garrantzitsuenetako bat da lehentasunezko jarduera-eremuetako enpresa-guneak birgaitu eta berraktibatzea. Hartara, erakundeen arteko lankidetza-ekimen honek suspertze integralaren prosezua babesten du, bizirik dagoen jarduera ekonomikoa antolatzeko eta Herrerako inguruneari enplegua sortzeko duten ekimen berriak emateko.     [url] => https://www.spri.eus/azpiegiturak-komunikazioa/sprilur-ek-abian-jarri-ditu-erabilpen-tertziarioko-eraikin-berri-baten-eraikuntzarako-lanak-pasaiako-portuko-herrera-ingurunea-birgaitzeko-prozesuan/ [categoria] => Azpiegiturak [imagen] => [fecha] => 24 Azaroa, 2022 )

Array ( [titulo] => CodeSyntax enpresak “Egunean Behin” euskarazko joko arrakastatsuenaren galesezko bertsioa garatu du [content] => “Egunean behin” euskarazko galdera eta erantzunen onlineko jokoak, duela 3 urte pasatuxe sortu zenak, badu galesezko bertsio bat. CodeSyntax enpresak oraintsu aurkeztu du aisialdiko merkatu digitalean “Cwis Bob Dydd”, Galeseko S4C telebista publikoaren enkarguz sortutako jokoa. “Egunean Behin” jokoak sekulako arrakasta izan du gure herrian, izan ere, euskarazko jatorrizko bertsioak 55.000 jokalari ditu egunero. Galeseko erakunde publikoak begi onez ikusi du ekimena, eta hala, euren herrira egokitutako lehen erreplika eskatu dio CodeSyntax enpresari. Proiektuaren arduradunen iritziz, “aplikazio hau aukera paregabea da galesezko hiztun berriak erakartzeko eta hizkuntza sustatzeko teknologia berritzaileak baliatuz”. Galesezko bertsioaren funtzionamendua euskarazkoarentzat garatutakoaren berdina da, hau da, egunean partida bakar bat jokatzen da, zeinetan 10 galdera erantzun behar diren ahalik eta denbora laburrenean. Hots, hamar galdera dituen eguneroko Trivial moduko bat da, asteroko lehiaketak dituena, bere sailkapen orokorrarekin eta taldekako sailkapenekin (lagunak, lantokikoak, familiakoak...). Aplikazioak aukera ematen du gainera Galeseko eduki espezifikoak lantzeko, hala nola kultura, hizkuntza, historia, kirola, geografia, etab. 2023ra begira, CodeSyntax erakundeak 30 herrialde baino gehiagoko 300 garatzaile gora bilduko dituen nazioarteko topaketa bat antolatuko du Euskadin. PLONECONF 2023 mundu mailako software libreko teknologiari buruzko konferentzia garrantzitsuena izatea aurreikusten da. 2003az geroztik, topaketa hori hainbat egoitzatan egin da. Lehenengo edizioa New Orleansen (AEB) izan da, eta lekukoa Brasilia, Napoli, San Frantzisko, Tokyo eta Berlin hiriei eman zaie. Aurten, 2022an, Namurren (Belgika), hurrengo konferentzia Euskal Herrian egingo zela iragarri zuten, PloneConf 2023 Basque Country.  

---

Deba Bailarako Industrialdeak jarduera ekonomikorako espazioak sustatzen eta kudeatzen ditu Debagoiena eta Debabarrena eskualdeetan. CodeSyntax-ek 350 metro koadroko bulego bat dauka Eibarko Azitain Industrialdean. Teknologia berrien arloko enpresa hau 2000. urtean kokatu zen bertan 20 pertsonako lantaldearekin. Denbora horretan bildu duen esperientzia da edozein proiekturentzako eskaintzen duen arrakasta-berme handiena. Deba Bailarako Industrialdea sozietateak –Sprilur-ek, Gipuzkoako Foru Aldundiak eta Debagoiena eta Debabarrena eskualdeetako udalek partaidetua– badu 176 metro koadroko bulego bat, azpiegituretarako hargune guztiak dituena eta aukera ematen duena berehala instalatzeko eta edozein enpresa-jarduera  abiarazteko. Kokalekua estrategikoa da, sarbide zuzena baitu AP8 autobidera, gainera, garraio publikoa bertaraino iristen da eta aparkaleku ugari ditu. Bestalde, Eibarguneak ere espazioak eskaintzen ditu Azitain Industrialdean ekintzailetza sustatzeko. Espazio horiek eskualdean bertan sortutako ekimen ekintzaileei zuzenduta daude. [url] => https://www.spri.eus/iktak-komunikazioa/codesyntax-enpresak-egunean-behin-euskarazko-joko-arrakastatsuenaren-galesezko-bertsioa-garatu-du/ [categoria] => Azpiegiturak [imagen] => [fecha] => 22 Azaroa, 2022 )

Array ( [titulo] => Wake up! Albiste ekintzaile batzuk sarean [content] => Wake up! -ek Komunikabide eta Sareko Blog desberdinek argitaratutako albisteen hautaketa txiki bat egunero partekatzen du Linkedinen: Ideiak, proiektuak, negozioak, startupak, enpresak etab. Euskadi, 2022ko Azaroaren 14tik astea. [url] => https://www.spri.eus/ekintzailetza/wake-up-albiste-ekintzaile-batzuk-sarean-221118/ [categoria] => Azpiegiturak [imagen] => [fecha] => 18 Azaroa, 2022 )

Array ( [titulo] => Sprilur-ek bukatu du Legazpiko Sidenor lantegi zaharra berrurbanizatzeko lanen lehen fasea [content] => Erauzitako hondakin-materialen %85 (16.581 metro kubiko) obran bertan aprobetxatu eta berrerabili da, bete-lanak eta atontze-lanak egiteko.   Sprilur-ek abenduan -hasieran aurreikusten zen baino lehenago- amaituko du Legazpiko Sidenor siderurgia-lantegi zaharraren 90.882 metro koadroko azalera berrurbanizatu eta berrantolatzeko lanen lehen fasea. Urtebete igaro delarik lanak hasi zirenetik, jarduera hau dugu Sprilur-ek azken urteetan berraprobetxatzeko bereganatu duen industria-gune narriatu handienetako bat. Urte honetan sektore industrial handi hau berrurbanizatu da, azalerak mugatu dira, hiru partzela urbanizaturen bideragarritasuna landu da, azpiegitura berriak jarri dira inguru osoan, barneko bideragarritasuna bultzatu da errepideak zabalduz, eta espaloi berriak, bidegorriak eta aparkalekuak egin dira.  Era berean, errespetatu egin dira eremuan lehendik zeuden eraikinak, Legazpiko Ondare Historikoa babestu eta kontserbatzeko Plan Bereziak babesten zituenak. Berrurbanizazio-lanen lehen fasean jarraipen berezia egin behar izan zaio aurreikusitako Indusketa Planari, sektore barruan ahalik eta lur bolumen handiena aprobetxatzeko, dela eraisketetatik ateratako lurra, dela zangetatik erauzitako materiala. Atontze eta urbanizazio lanek iraun duten bitartean babestu eta zaindu egin dira lehendik zeuden eraikinak eta, aldi berean, hargune eta azpiegitura berriak sortu dira partzela bakoitzarentzat, pabilioien mailako lurzoru berriak egin dira eta errepide-sare berri bat ere bai. Lurrak mugitu eta hondakinak kudeatzeko prozesuan zehar Sprilur-ek neurri jasangarriak aplikatu ditu fase honetan, halako gisaz non erauzitako materialaren %85 (16.581 metro kubiko) obran bertan berrerabili baita obra atondu eta burutzeko. Bakarrik eraman dira zabortegira 2.925 metro kubiko lur ez-arriskutsu. 2023ra begira, eta berreskuratze-planarekin jarraitzeko, Sprilur-ek lantegi zaharreko jatorrizko bi tximiniak birgaitzeko lanak abiatuko ditu. Tximinia horiek babes-maila gorena dute Ondare Historiko Industriala Kontserbatzeko Planaren barruan, eta horregatik mantenduko da beren diseinua, euren hondatze-prozesua eta erorketa arriskuak eragozten saiatuz, inguruko jardueretan sor ditzaketen arazoak saihesteko. Erabiltzen ez diren industria-guneak berreskuratzea da Sprilur eta Industrialdeak Sozietateen jarduera-ildo eta helburu estrategiko nagusietako bat. Zehazki, 15 milioi inguruko inbertsio globala egingo da mende bat baino gehiagoko jarduera industriala izan duen Legazpiko AU 35 Bellota gunean, besteak beste lurzorua erosteko eta obrak egiteko, eta gune horren lehengoratze-fase osoan pisu handia emango zaio ingurumena garatzeari eta kultur babesari. [url] => https://www.spri.eus/azpiegiturak-komunikazioa/sprilur-ek-bukatu-du-legazpiko-sidenor-lantegi-zaharra-berrurbanizatzeko-lanen-lehen-fasea/ [categoria] => Azpiegiturak [imagen] => [fecha] => 16 Azaroa, 2022 )

Array ( [titulo] => 67 proiektu aurkeztu dira 2023an BIND 4.0 programari esker negozio berritzaile bihurtzeko [content] => Mundu osoko 67 proiektu berritzaile aurkeztu dira 2023an negozio berri bihurtzeko startup-en eta trakzio-enpresa handien eskutik. Berrikuntza irekiko plataformak (BIND 4.0) ezagutarazi berri ditu Eusko Jaurlaritzak, SPRI taldearen bidez, kudeatzen duen ekimen honen zazpigarren ekitaldian 4.0 industriako zer soluziok jaso duten 70 enpresa kideen baloraziorik onena. Finalisten artean gehien agertzen den teknologia Adimen Artifiziala da, eta, ondoren, IoT edo Big Data datoz. Bestalde, aurten BIND 4.0ko kide diren enpresek arlo teknologiko berrietan ekiteko interes berezia agertu dute, hala nola material berrietan, energia-efizientziarako soluzioetan eta Computing-ean. Zazpigarren edizio honekin, berrikuntza irekiko plataforma industriaren digitalizazioa bultzatzeko erreferentziazko ekimen gisa sendotu da, betiere enpresa handien eta startup berritzaileen arteko lankidetzaren bidez. Arrakasta handiko eredu honetan, gaur arte, 160 startup bizkortu baino gehiago eta 240 proiektu garatu baino gehiago metatu dira, eta 7 milioi euro baino gehiagoko fakturazioa lortu da. Balorazio onena lortu duten 67 startup-en jatorriari dagokionez, horietako 22 Euskal Autonomia Erkidegokoak dira (Arabako 3, Bizkaiko 9 eta Gipuzkoako 10), 14 Estatuko gainerakokoak dira eta 31 beste nazio batzuetakoak. Nazioarteko startup-en jatorrizko herrialdeen artean, mundu osoko erreferentziazko teknologia- eta berrikuntza-hub nagusiak daude, besteak beste, Alemania, Israel, Suitza eta Erresuma Batukoak. Gainera, aurten, Europa Ekialdeko beste herrialde batzuetako finalistak ere badaude, hala nola Eslovakiakoak edo Poloniakoak.  Computing-a nabarmendu da 4.0 industrian gorabidean dagoen teknologia gisa Balorazio onena lortu duten soluzioen artean, eta berritasun gisa, BIND 4.0ren kide diren enpresek —Mercedes-Benz, ITP Aero, Ormazabal, GH Cranes, Arteche, Iberdrola, Bridgestone, Faes Farma edo Angulas Aguinaga, besteak beste— interes berezia jarri diete industriaren erronka berriei erantzuteko teknologia emergenteak baliatzen dituzten soluzioei. Hain zuzen ere, computing teknologia (konputazio kuantikoa, besteak beste) nabarmentzen da 4.0 industriarako tresna berrien artean. Informazioaren kudeaketa automatizatzeko modu berriak aztertzea du helburu, datu-egitura eta algoritmo berriak erabiliz. BIND 4.0k garatu beharreko arlo bat da, eta, are gehiago, digitalizazioaren aroan.  BIND 4.0 plataforma Ekonomiaren Garapen, Jasangarritasun eta Ingurumen Sailak SPRI Taldearen bidez sortutako industria 4.0ko ekimen publiko-pribatua da, eta nazioartean erreferentziazko programa bihurtu da 2016. urtean sortu zenez geroztik. Gaur egun, industrian berritzeko bi ekimen ditu. Batetik, azelerazio eta berrikuntza irekiko programa bat, enpresa korporatibo handiekin proiektuak garatzeko startup-ei zuzendua, eta, bestetik, BIND 4.0 SME Connection, industriaren arloko enpresa txikiekin eta ertainekin lankidetzan teknologia berriak garatzekoa.  [url] => https://www.spri.eus/azpiegiturak-komunikazioa/67-proiektu-aurkeztu-dira-2023an-bind-4-0-programari-esker-negozio-berritzaile-bihurtzeko/ [categoria] => Azpiegiturak [imagen] => [fecha] => 14 Azaroa, 2022 )

Array ( [titulo] => Premio Gaztenpresa 2022 en la UPV/EHU – MBAe3, Máster en Emprendimiento y Dirección de Empresas [content] => Hasta el próximo 2 de diciembre de 2022, preferiblemente por vía electrónica, las personas interesadas podrán presentarse a esta convocatoria. Es un premio dirigido al alumnado o grupos de alumnado que haya desarrollado proyectos empresariales en la VI y VII Edición del Máster de Emprendimiento y Dirección de Empresas, MBAe3 UPV/EHU. El premio ‘Gaztenpresa-MBAe3’ se enmarca dentro del plan de acciones de fomento de la cultura emprendedora que realiza Gaztenpresa (Laboral Kutxa) en colaboración con MBAe3, Máster de Emprendimiento y Dirección de Empresas de UPV/EHU. Desde su creación en el año 2018, este galardón reconoce los mejores proyectos emprendedores, con especial atención a aquellos que estén en proceso de lanzamiento al mercado.

Galardones y programa de acompañamiento

Se concederá un premio dotado de 3.000 euros. El Jurado se reserva la posibilidad de repartir dicho premio entre más de un proyecto y de conceder accésits. Además, los proyectos ganadores podrán recibir asesoramiento, mentoring y servicios de Gaztenpresa, Laboral Kutxa Las solicitudes para participar en este concurso, junto con la documentación que se requiere, podrán presentarse hasta las 13.00 h. del día 2 de diciembre de 2022 preferiblemente por medios electrónicos (vía email mbae3@ehu.eus), existiendo la posibilidad de presentarlo en papel impreso. En último caso, la presentación en formato papel, podrá realizarse (en sobre cerrado) en esta sede: Máster de Emprendimiento y Dirección de Empresas MBAe3 UPV/EHU: Facultad de  Ciencias Económicas y Empresariales Edificio de profesorado. Despacho OC44 Lehendakari Aguirre, 83 48015 (Sarriko) Bilbao +información: www.ehu.eus [url] => https://www.spri.eus/ekintzailetza/premio-gaztenpresa-2022-en-la-upv-ehu-mbae3-master-en-emprendimiento-y-direccion-de-empresas/ [categoria] => Azpiegiturak [imagen] => [fecha] => 01 Azaroa, 2022 )

Array ( [titulo] => Galarretako Campusak eraikin berria izango du 2025ean [content] => Gipuzkoako Zientzia eta Teknologia Parkearen Galarretako Campusak, Hernanin dituen instalazioen aldeko apustu instituzionala sendotuko duen eta Gipuzkoan ekosistema zientifiko-teknologikoa haztea ahalbidetuko duen eraikin berezi eta ekojasangarri berri bat izango du. Gaur argitaratuko da eraikin berriaren obra proiektua idazteko lehiaketa deialdia. Biribilgune nagusiaren ondoan egongo da, Galarretako Campuseko sarbidean eta zerbitzu publiko guztietatik gertu. Eraikuntza berria 6.045 m²-ko lursail batean eraikiko da, eta bulego, laborategi edo I+G zentroetarako erabiliko da, salmenta- edo alokairu-modalitateetan. Lurzatiaren eraikigarritasuna 10.000 m²-koa da, eta eraikinaren gehieneko altuera 19 m-koa izango da. Iragarpen horren bidez, Euskadiko Parke Teknologikoen Sareak indartu egin du Galarretako Campusaren aldeko apustu instituzionala. Apustu horren lehen mugarria, eraikin propioa izango duen Couth enpresaren instalazio berriak ezartzeko akordioa izan zen. Gainera, urrats garrantzitsua da Gipuzkoan espazio berrien eskaerari erantzuteko, Donostiako Campusaren okupazio handia –% 95– dela eta. Horrela, nabarmendu behar da 2023an amaituko direla bere edukieraren % 94rako espazio-erreserba irmoak dituen eta Donostiako Campusean dagoen A2.2 eraikina eraikitzeko obrak. Donostiako Campuseko okupazioaren aurreikuspena % 100etik gertukoa da 2023rako. Obren hasiera 2023an Galarretako eraikin berriaren obrak 2023an hastea aurreikusten da, eta gehienez ere 24 hilabeteko epean amaitu beharko dira. Eraikuntza bat etorriko da Euskadiko Parke Teknologikoen Sarearen Plan Estrategikoan ezarritako Parke Berdearen eta Parke Smart izenekoaren helburuekin, eta eduki birziklatua duten materialak obran jartzeko konpromisoa jasoko du, obraren guztizkoaren % 40a horrelako materiala izango dela bermatzeko. Eraikina berdegunez inguratuta egongo da, klimara egokitutako espezie autoktonoekin, intsolazioa, lurzoruaren kalitatea edo maldak landarediaren etapa guztietan eta urtean zehar egin beharreko lanetan bezalako faktoreak kontuan harturik. Berdeguneetan, materia organikoa berriro sartzeko soluzioak eta euri-urak biltzeko eta berrerabiltzeko sistemak sartuko dira. Kontratistak egindako proiektuan oinarrituta eraikiko den eraikinaren kontrataren eta haren barne-urbanizazioaren gehieneko prezioa 16.352.200 eurokoa izango da (BEZik gabe). EPTSren hedapen geografikoa Gipuzkoan Galarretako Campusaren etorkizuneko eraikina Euskadiko Parke Teknologikoen Sarea Gipuzkoan hedatzeko prozesuaren parte da. Bi azpiegitura berriak, A 2.2. azpiegitura Donostiako Campusean eta eraikin berria Galarretako Campusean, egiteari, lurraldean lursailak eta espazio fisikoa bilatzeko egiten ari den lana gehitu behar zaio. Gaur egun, Parke Teknologikoen Sarea Donostiako Udalarekin batera ari da lanean Miramongo Campusaren ondoan lursailak eta espazioak detektatzeko. Miramonen Gipuzkoako Parkea handitzeko aukerei buruz Udalak egindako azterlanetik abiatuta, Parkeak eta Udalak hainbat bilera egin dituzte gaur egun prestatzen ari den Donostiako Hiri Antolamenduko Plan Orokor berrian Parkearen beharrak txertatzeko. Era berean, eta jende aurrean aurreratu zen bezala, Parke Teknologikoen Sarea lanean ari da etorkizuneko Hondarribiko Campusaren espazioa zehazteko eta bideragarritasuna aztertzeko. Hondarribiko Udalak eta Parkeak Hondarribiko Hiri Antolamenduko Plan Orokorraren Aurrerakin berria idazterakoan egindako lana oinarri hartuta, parkearen beharrak, Hondarribiko Udaleko Osoko Bilkurak 2022.08.24an berretsitako Plan Orokorraren irizpide eta helburuetan txertatu dira. 235.887 m²-ko eremua garatzea aurreikusten da.   [url] => https://www.spri.eus/azpiegiturak-komunikazioa/galarretako-campusak-eraikin-berria-izango-du-2025ean/ [categoria] => Azpiegiturak [imagen] => [fecha] => 25 Urria, 2022 )

Array ( [titulo] => Bidasoa Oarsoko Industrialdeak amaitu ditu Irungo Hiframasa lantegi zaharra birgaitzeko lanak, bertan bi enpresa berri ostatatzeko [content] => Katea Legaia eta Railtek Ingeniería Industrial enpresak berehala kokatu ahal izango dira bertan. Eraikitako bi pabilioi berriek 7.460 metro koadro erabilgarri dituzte eta, oso argitsuak izateaz gain, diseinu bersatila dute. Bidasoa Oarsoko Industrialdea S.A.k -zeinetan partaide diren Sprilur, Gipuzkoako Foru Aldundia, Irungo Udala, eta Errenteria, Lezo, Oiartzun eta Pasaiako Udalen ordezkari diharduen Oarsoaldea S.A.- amaitu ditu Irungo Hiframasa lantegi zaharraren instalazioak eraberritzeko lanak. 2021eko abuztuan abiatu ziren 9.718 metro koadroko espazio industrial hori birgaitzeko lanak, eta orain bi pabilioi berri jaso dira, eraikitako 7.460 metro koadro dituztenak. Eraikina aurreikusitako urtebeteko epean amaitu da, 7,3 milioi euroko inbertsioa eginda (lurzoruaren kostua barne). Eraikin berria oso argitsua da eta diseinu bersatilekoa. Eraikuntzaren ikuspegitik, pabilioien kanpoalde osoa hormigoi aurrefabrikatuzko panelekin egin da, testura desberdineko bi akabera erabilita. Era berean, eraikinaren inguruan zuhaitzak landatu dira, obra osoari emateko aurreikusitako itxura eta kalitatea. 1. pabilioiak, 3.000 metro koadroko azalera eraikia du beheko solairuan, eta 1.453 metro koadro gehigarriko solairuarte bat, guztira 4.454 metro koadroko eraikigarritasuna duelarik. 2. pabilioiak, 3.005 metro koadroko azalera eraikia du beheko solairuan eta, aurrekoak ez bezala, ez dauka solairuarterik, malguagoa izan dadin bertan kokatuko den enpresaren jarduerari egokitzeko.

Balio erantsi handiko bi enpresa

Bi pabilioi berri horietan Katea Legaia eta Railtek Ingeniería Industrial enpresak kokatuko dira eta pabiloi biak osorik okupatuko dituzte. Kokatuko den lehen enpresak, KL katealegaiak, 4.500 metro koadro okupatuko ditu, hainbat industria-proiektu instalatzeko, eta desgaitasuna duten 60 gizarte eta lan-bazterketako arriskuan dauden hainbat pertsona baino gehiago enplegatuko ditu, Proiektuaren asmoa da instalazio guztiak toki bakar batean biltzea, eta teknologia berritzailean eta robotizazioan oinarritutako makineria baliatuko dute.  Katea Legaia enpresak lan mundurako sarbidea ematen die gizarteratze beharrean dauden pertsonei, eta desgaitasun maila jakin bat duten langileak eskaintzen dizkie lan-esku espezializatua behar duten enpresei. Bestalde, 3.005 metro koadroko bigarren pabilioia Irungo Railtek ingeniaritzari esleitu zaio. Enpresa horrek tamaina handiko aluminiozko profilen prozesatu eta mekanizatuaren arloan dihardu. Euren produktuak burdinbide eta autobus elektrikoen sektoreetara bideratzen dituzte gehienbat. Kale-altzari eta fatxaden sektoreentzako piezak ere prozesatzen dituzte. Lantzen dituzten piezen prototipoek 30 metroko luzera izan dezaketenez, toki eta azpiegitura handiak behar dituzte halako piezak mekanizatu eta biltegiratzeko. Railtek enpresak aurreikusten du modu sostengatuan hazten jarraitzea eta 15 lanpostu berri sortzea hiru urteko epean. Irungo Hiframasa lantegi zaharraren instalazioak birgaitzeko proiektuan oso garrantzitsua izan da erakundeen arteko lankidetza (Eusko Jaurlaritza-Sprilur, Gipuzkoako Foru Aldundia, eta Irun eta Oarsoaldeko Udalak Bidasoa Oarsoko Industrialdea S.A.ren bidez), bai erabiltzen ez zen espazio industrial bat berritzeko, bai birgaitze prozesuari ekiteko, bai espazio hori azpiegitura berrituekin hornitzeko. Funtsean, eskualde horren ezaugarrietako bat da enpresa jardueretarako espazio eta azpiegituren etengabeko eskaera dagoela. 2024 urtera bitarteko Plan Estrategikoan jasotako jarduera-ildoetatik abiatuz, Sprilur-ek eta Industrialdeak Sozietateek helburutzat hartu dute jarduera ekonomikoetarako azpiegiturak sortzea, lehentasuna emanez erabiltzen ez diren lurzoruak edo aurri egoeran dauden hondakin industrialak birgaitu, zaharberritu eta optimizatzeari, Euskadin hazkunde eta garapen industrial jasangarria bultzatzeko. Ildo hori gauzatzeko, Sprilur Taldeak oinarritzat hartzen ditu Plan Estrategikoak eta Programa Estrategikoak, kaltetutako lurzoruak berroneratu eta balioan jartzeko,  eta ekonomia eta enplegua berraktibatzeko EAEko lehentasunezko ekintza-esparru eta eskualdeetan.   Bidasoa Oarsoko Industrialdeak Sustatutako enpresa-guneak    [url] => https://www.spri.eus/azpiegiturak-komunikazioa/bidasoa-oarsoko-industrialdeak-amaitu-ditu-irungo-hiframasa-lantegi-zaharra-birgaitzeko-lanak-bertan-bi-enpresa-berri-ostatatzeko/ [categoria] => Azpiegiturak [imagen] => [fecha] => 21 Urria, 2022 )