Array ( [titulo] => Begiratu: Green Deal Youth Challenge Vitoria-Gasteiz [content] =>

Negozio-ideia bat duzu eta ez dakizu nola gauzatu? Dagoeneko baduzu proiektu bat eta haztea nahi duzu? Ekosistema ekintzailearen kide izan nahi duzu?

Gasteizko Udalak 18 eta 35 urte artekoek bultzatutako proiektu original eta berritzaileak sustatu eta lagundu nahi ditu, eta ekonomia berdean, talentuan eta berrikuntzan oinarritutako ekimenak bultzatu. Horretarako, Gasteiz Green Deal Youth Challenge deialdia abiarazi du, hau da, startup-ei zuzendutako nazioarteko deialdia. Proposamen onenei 50.000 eurora arteko ekarpena egingo zaie. Gasteizko Udalak abiarazi du Vitoria-Gasteiz Green Deal Youth Challenge deialdia; hau da, startupak bizkortzeko programa, Gasteiz Green Deal jarduera-eremuetako proiektu berritzaileak martxan jartzea eta garatzen laguntzea xede. Deialdiaren helburua da hurrengo eremuak oinarri dituzten ekimenak Gasteizen finkatzea eta bertan irautea:

• ekonomia berdea
• talentua
• berrikuntza

Gainera, aurtengo edizioan BerriUp Startupen Azeleragailuaren laguntza teknikoa baliatzeko aukera izango da, erakunde antolatzaileetako bat baita.

Parte-hartzaileak

Talde konprometituak bilatzen ditugu, eta halakoetan:

• Proiektua aurkezten duen taldeko kideetako batek, gutxienez, 18 eta 35 urte bitarteko adina izatea egitasmoa aurkezteko unean.
• Deialdian aurkeztutako proiektu bakoitzeko kide bat, gutxienez, proiektuan lanaldi osoan aritzea.

Proiektuak

Aurkeztutako proiektuek berritzaileak izan behar dute, eta hasierako ideia- edo garapen-fasean egon behar dute ―seed eta pre-seed garaiak―. Proiektuen jarduera-eremuek honako hauetakoren bat izan beharko dute:

• Energia berriztagarriak.
• Mugikortasun-sistemak.
• Klima-aldaketaren aurkako borroka.
• Udal-zerbitzu publikoetarako irtenbideak garatzea (garbiketa, hondakinen tratamendua, hiri-argiteria, etab.).
• Finantzazio jasangarrirako tresnak sortzea eta proposatzea.
• Emisioak murrizteko sistemak.
• Energia jasangarria sortzeko eta biltegiratzeko sistemak.
• Energia garbiak ezartzea.
• Hiri-birgaikuntzarako irtenbideak, jarraikortasun irizpide.
• Nekazaritza-ekoizpen eta -banaketa jasangarrirako irtenbideak garatzea.
• Elikadura-eredu iraunkorra eta osasungarria sustatzea.
• Ikerketa eta konponbideak hiri-osasunaren esparruan.
• Naturan oinarritutako arintze-soluzioak.

Aurkezteko epea eta lekua

Proiektuak 2022ko urtarrilaren 20tik 2022ko otsailaren 20ra arte (biak barne) aurkez daitezke, web-formulario honen bidez: Izena eman online [url] => https://www.spri.eus/ekintzaile/green-deal-youth-challenge-vitoria-gasteiz/ [categoria] => Azpiegiturak [imagen] => [fecha] => 24 Urtarrila, 2022 )

Array ( [titulo] => Eusko Jaurlaritzak 16 milioi inbertituko ditu Erisono handitzeko, Eibarren industria aurreratu berria bultzatzeko [content] => Aurreikuspenen arabera, eraikuntzaren garapena hiru fasetan egingo da, eraikuntza-aprobetxamendua amaitu arte.  Erisonon, Sprilurrek Windbox proiektuko lursaila egokitu zuen 2017an, haize-sorgailuen palen lehen entsegu-bankua sektore eolikorako. Informazio gehiago Irekian: https://www.irekia.euskadi.eus/eu/news/74563   Eusko Jaurlaritzak Eibarko Erisono industrialdea handitzearen aldeko apustua egin du, etorkizunean guztira 16 milioi euroko inbertsioa egiteko aurreikuspenarekin. Proiektuaren arabera, hirugarren sektoreko erabilera izango duen 14.100 metro karratuko eraikin berri bat eraikiko da Sprilurren bi partzelatan,. Eraikuntza berriaren osagarri, Erisono inguruan, Tekniker ondoko eraikinaren enpresa-jarduera eta Sprilurrek 2017an sektore eolikorako egokitu zuen Windbox aerosorgailuetarako proba-saiakuntzen bankua izango lirateke.   9.100 eta 5.000 metro koadroko eraikigarritasuna duten lurzati urbanizatu eraikigarriak Teknikerren eraikinetik hurbil daude, eta bi eraikinak mugatzeko aukera emango duen ezponda batek bereizten ditu. Enpresa-jardueretarako espazioaz gain, proiektuak ekipamendurako 1.900 metro koadroko azalera eta garaje-plazetarako beste 9.550 metro koadro aurreikusten ditu. Beheko solairuko ekipamendu-espazioari esker, terraza handi bat egin ahal izango da atzeko aldean, eraikinaren erabilerei lotutako zerbitzu gisa (kafetegia, jatetxea).   Erisono eraikinaren eraikuntza hiru fasetan egingo litzateke, inbertsioa optimizatzeko eta haren exekuzioa enpresen beharretara eta jasotako eskarietara egokitzeko, baita denboran zehar izandako baliabide ekonomiko edo aurrekontuetara ere, eraikuntza-aprobetxamendua amaitu arte.   Horiek gauzatzeko baliabideei dagokienez, Eusko Jaurlaritzak, Sprilurren bitartez, lehendik urbanizatuak dauden bi lurzatiak jarriko lituzke Erisono Eibarren dago, industria-esperientzia tekniko nabarmena duen eskualde batean, aitzindaria da armen fabrikazioan, berrikuntzan eta teknologietan, lanbide-espezializazioan eta unibertsitatean, eta industria-ingurune errotua du. Euskadin ekonomia eta enplegua suspertzeko enpresa-ekimen estrategikoak erakartzea lehentasunezkoa da Eusko Jaurlaritzarentzat, eta, hala, teknologietan eta industria aurreratuetan esperientzia duten jarduera-sektoreak kokatzeak eta enpresen arteko polarizazioak eta sinergiak sortzeak lurraldeen lehiakortasuna, hazkundea eta garapen ekonomikoa errazten ditu. [url] => https://www.spri.eus/azpiegiturak-komunikazioa/eusko-jaurlaritzak-16-milioi-inbertituko-ditu-erisono-handitzeko-eibarren-industria-aurreratu-berria-bultzatzeko/ [categoria] => Azpiegiturak [imagen] => [fecha] => 20 Urtarrila, 2022 )

Array ( [titulo] => Ermuak biki digital bat txertatu die igogailu publikoei euren funtzionamendua hobetzeko [content] => IMHko Fabrikazio Digitaleko Master Dualeko ikasleek garatu duten Twin biki digitalak Ermuko hiru igogailu publikoen funtzionamendua hobetuko du eta euren mantenimendua optimizatuko du. IMHn garatutako Digital Twin proiektuak helburutzat du sentsoreak instalatzea Ermuko hiru igogailuetan eta webgune bat abiaraztea biki digitalak denbora errealean ikusi ahal izateko. Unean bertan detektatzen direnez igogailuek izan ditzaketen arazoak, berehala konpondu daitezke arazo horiek. Ermuaren kasuan, teknologia digital honen erabilpenak bi ondorio nagusi izan ditu: batetik, elkarlan estua garatu dela irakaskuntza munduaren eta tokiko administrazioen (egoera errealak planteatuz) artean, eta bestetik, hobekuntza nabarmena lortu dela zerbitzu publikoen mantenimenduan. Masterreko irakasle eta ikasleak Ermuko Izarra Center-en izan ziren abenduaren 15ean, TWIN proiektua aurkeztu zieten bertako arduradunei eta bukatutzat jo zuten proiektua. [url] => https://www.spri.eus/iktak-komunikazioa/ermuak-biki-digital-bat-txertatu-die-igogailu-publikoei-euren-funtzionamendua-hobetzeko/ [categoria] => Azpiegiturak [imagen] => [fecha] => 11 Urtarrila, 2022 )

Array ( [titulo] => Gasteizko Azucarera eraikineko atrioa eszenatokitzat erabili da kultur arloko bideoklip bat eta integrazio sozialeko kanpaina bat grabatzeko [content] => Eusko Jaurlaritzako Berdintasun, Justizia eta Gizarte Politiketako Sailaren Migraziorako Euskal Itun Sozialari atxikitzeko kanpainaren aurkezpena abenduaren 18an.   Eta dantza tradizionalen grabaketa ETB2ko Gabon Gaueko “Dancing Araba” programa berezirako.    SPRI Taldean integratutako eta Eusko Jaurlaritzako Ekonomi Garapen, Jasangarritasun eta Ingurumen Sailaren menpeko Sprilur sozietateak urteak daramatza La Azucarera eraikina -euskal ondare industrialaren parte dena- dibertsifikatzen eta optimizatzen, prest egon dadin enpresa arloko jarduerekin eta ekimen sozial eta kulturalekin konprometituta dauden ekitaldiak ostatatzeko.   Aurtengo abenduan, Gasteizko Azucarera eraikin historikoko atrio berritu eta berezia eszenatokitzat erabili da gizartean oihartzun handia izango duten bi ekitaldi antolatzeko. Batetik, abenduaren 18an, Eusko Jaurlaritzako Berdintasun, Justizia eta Gizarte Politiketako Sailaren Migraziorako Euskal Itun Sozialari atxikitzeko kanpaina aurkeztu da. Pertsonen integrazioa bultzatzeko ekimen instituzional horrek Euskadira datozen migratzaileen harrera sustatzen du, helburua baita euren bizi-proiektuak eta proiektu pertsonalak garatzeko leku gisa ikus dezatela Euskadi. Ekitaldian izan dira euskal erakunde garrantzitsuenetako, Eusko Jaurlaritzako (lehendakaria), Foru Aldundietako eta EAEko udaletako ordezkariak.   Bestetik, euskal dantza tradizionalen koreografia-programa baten irudiak grabatu dira Gasteizko Algara Dantza Taldearekin. Irudi horiekin bideoklip bat egingo da, abenduaren 24an emitituko dena “Dancing Araba” programaren barruan (ETB2 kateko 2021eko Gabon Gaueko programa berezia).   Sprilur-ek 2002an zaharberritutako Azucarera eraikinaren diseinu, arkitektura berezi eta instalazio berrituak erakargarriak dira ez bakarrik enpresentzat, baizik eta baita ere izaera sozialeko bestelako ekimen sozialentzat. Horregatik, Sprilur-ek ahalegina egiten du ekitaldi horiek bateragarri egiteko eraikinean instalatuta dauden jarduerekin. Gaur egun, 300 langile inguru enplegatzen dituzten 14 enpresa daude kokatuta Azucareran. [url] => https://www.spri.eus/azpiegiturak-komunikazioa/gasteizko-azucarera-eraikineko-atrioa-eszenatokitzat-erabili-da-kultur-arloko-bideoklip-bat-eta-integrazio-sozialeko-kanpaina-bat-grabatzeko/ [categoria] => Azpiegiturak [imagen] => [fecha] => 19 Abendu, 2021 )

Array ( [titulo] => Sprilur-ek Gipuzkoako lurzoru industrialaren eskaintza indartuko du 69.000 metro koadro atonduz Zumaiako Oikia industrialdean [content] => XEY-ren instalazio zaharren 47.400 metro koadro baino gehiago berroneratuko ditu, eta 22.000 metro koadroko beste zazpi partzela berrurbanizatuko ditu Oikia industrialdean. Zumaiako Udalak onarpena eman dio industrialdea lehengoratzeko lanak ahalbidetuko dituen urbanizazio-proiektuari. Biziberritze-proiektu hau Sprilur Eusko Jaurlaritzaren Azpiegituretarako Ezohiko Funtsekin egiten ari den jardueren barruan kokatzen da.   Sprilur-ek, Eusko Jaurlaritzaren lurzoru industrialeko sozietate publikoak, dagoeneko abiarazi ditu Zumaiako Oikia industrialdean 69.000 metro koadro lehengoratzeko eta birgaitzeko lanak. Proiektu honen helburua da espazio aproposak sortzea eta ingurune industriala egokitzea enpresa-proiektu berriak eta balizko inbertitzaileak ezar daitezen eskualde horretan. 2021ean, Sprilur-ek hainbat lursail erosi ditu Zumaiako Oikia ingurunean. Hartara, batetik, bereak dira Xey-ren instalazio zaharren 47.400 metro koadroak; lantegia eraitsi egin da espazioari erabilpen industrial berriak eman ahal izateko. Bestetik, Sprilur-ek erosia zuen lantegi horren inguruko beste partzela mugakide batzuen azalera bat (zehazki 22.000 metro koadro) berrurbanizatzeko. Azalera hori guztia lehengoratu eta balioan jarritakoan, asko indartuko da Gipuzkoako lurzoru industrialaren eskaintza. Zumaiako Oikia industrialdearen lehengoratze-lanak bi fasetan egingo dira. Lehenik eta behin, Sprilur iragan azaroan hasi zen Xey-ren instalazio zaharrak -aspaldian erabiltzen ez zirenak- eraisten eta hondakinak erretiratzen, lurraren kalitateari dagokion ziurtagiria lortzeko. Hasierako 47.400 metro koadro horiek atondu ondoren, posible izango da jarduera gehiago garatzea edo enpresak bertan ezartzea. Aurreikusten da lehen fase hau 2022ko lehen hiruhilekoan amaituko dela, eta Sprilur-ek 240.000 euroko inbertsioa aktibatu du lanak garatzeko. Garapen jasangarriko neurriei dagokienez, Sprilur-ek zorroztasun handiz kudeatu ditu aurri egoeran zeuden instalazio zaharrak eraitsi ondoren sortu diren hondakinak. Hala, eraisketaren ondoriozko materialak betegarritarako agregakin balorizatu bezala erabiliko dira hurrengo faseetan atonduko diren lursailetan. Eraiste-fasearekin batera, Sprilur-ek datorren urtearen hasieran ekingo die XEY lantegi zaharraren aldameneko beste zazpi partzela (guztira 22.000 metro koadro inguru) lehengoratzeko lanei, Zumaiako Udalarekin Hirigintza Kudeaketako Hitzarmen bat onartu ondoren. Kasu honetan, proiektuaren helburua da espazioa berrurbanizatzea, eta hainbat lan egingo ditu horretarako: bi biribilguneen arteko errepidearen kota altxatzea, zazpi partzela industrialak agregakin balorizatuekin betetzea eta Urola ibaiaren ondoko partzeletan uholdeetatik babesteko neurriak hartzea. Horretarako, Sprilur-ek altxatu egingo du urez bete daitekeen azalera, babestuta egon dadin ibaiak gainezka egitean. Fase horretarako 705.000 euroko inbertsioa aurreikusi da. Eusko Jaurlaritzak Azpiegituretarako Ezohiko Funtsak onartu ditu kaltetutako lurzoru industrialak berroneratzeko eta jarduera ekonomikoetarako balioan jartzeko, eta hain zuzen, Sprilur-ek funts horiek baliatuko ditu Zumaiako Oikia industrialdea birgaitzea helburu duen proiektua aurrera eramateko. Zumaiako birgaitze-proiektua amaitutakoan, Gipuzkoako lurzoru industrialaren eskaintzak 69.000 metro koadro gehiago izango ditu inbertsiogile estrategikoak erakartzeko edo lurraldean espazio egokitu, berritu eta jasangarriak behar dituzten tokiko ekimenen zabalkundea errazteko.   [url] => https://www.spri.eus/azpiegiturak-komunikazioa/sprilur-ek-gipuzkoako-lurzoru-industrialaren-eskaintza-indartuko-du-69-000-metro-koadro-atonduz-zumaiako-oikia-industrialdean/ [categoria] => Azpiegiturak [imagen] => [fecha] => 16 Abendu, 2021 )

Array ( [titulo] => Geist Consultancy: “Funtsezkoa da antolakundeetako pertsonen ezagutza eta gaitasunak identifikatu eta optimizatzea enpresak arrakasta izan dezan” [content] => Geist Consultancyk eskaintzen dituen zerbitzuen artean aipagarria da ezagutzaren araberako talentuaren kudeaketa, barne hartuz talentuaren barneratze, kudeaketa eta garapena, bai maila operatiboan eta baita ere maila exekutiboan. Diziplina arteko esperientzia zabala dute nazioartean, hala ezagutza pertsonalaren kudeaketan nola antolakuntzaren ezagutzarenean. Joan den urrian, Austrian, ezagutza kudeatzeko nazioarteko azken topaketan parte hartu zuten, eta, horri esker, pertsonen talentutik abiatuta, balioa kudeatzeko eta sortzeko eredua aurkeztu ahal izan dute. ISO 30401 nazioarteko estandarrean oinarrituta, enpresetan ISO 9001 ezagutzaren kudeaketarekin lotutako alderdiak nola bete zehazten du. Toyotak 1970eko hamarkadan industria-ekoizpenaren esparrura eramandako etengabeko hobekuntzaren antzeko adibide bati esker, ibilgailuen marka ezaguna munduko lehen automobil-fabrikatzailea bihurtu zen. Elkarrizketa honetan, Kristina Mirchuk-ek hainbat pista eman dizkigu antolakundeen eta pertsonen kudeaketa hobetzeko, oinarritzat hartuz Aristotelesen aipu ezaguna: “Ezin dugu haizea aldatu, baina bai belak ongi orientatu”.   Non eta noiz sortu zen Geist Consultancy? Geist 2019an sortu zen helburu honekin: aholkularitza-zerbitzu baten bidez, jarduera sektore guztietako enpresei laguntzea aktiboki, kontzienteki eta estrategikoki identifikatu eta kudeatu dezaten euren aktibo garrantzitsuena, hots, ezagutza.   Azitain Industrialdean zaudete kokatuta, zehazki Eibargunearen lokaletan, nola hasi zineten? Ekintzailetza programaren batean parte hartu duzue? Hasi berritan aukera izan nuen Gipuzkoako Foru Aldundiaren Emekin programan parte hartzeko, eta Lanbide zerbitzuak autonomo berrientzat eskaintzen duen laguntza-programan ere sartu gara. Eibargunean daukagun lan-espazioa beste bide batetik lortu dugu, eskualde mailako Debegesa agentziak -Sprilur eta Eibarko Udalaren babesarekin- ekintzailetzari laguntzeko sustatzen duen programaren bitartez alegia. Hala ere, pandemiaren azken bi urteak oso ziurgabeak izan dira ekonomikoki, eta ezin izan dugu geure burua ezagutzera eman nahi genuen bezala.   Ezagutzaren kudeaketako zein alderdi nabarmenduko zenuke? Zer da garrantzitsuena edozein enpresatan aplikatzeko? Aldaketa bat bultzatu behar da antolakundeetan etengabeko ikaskuntzaren kultura finkatu eta garatzeko eta, haren bidez, modu jasangarrian aurre egiteko inguruneak sortzen dituen erronkei: aldakortasuna, ziurgabetasuna, konplexutasuna eta anbiguotasuna (VUCA ingelesezko sigletan). Maiz agertzen zaizkigu erronka horiek, eta posible da etorkizunean ere presente egotea. Ikaskuntzaren kultura horren oinarrizko zati bat da ezagutza arloko helburuak definitzea maila estrategikoan, helburu horiek lehiakortasun-abantailak lortzen lagunduko dietelako antolakundeei. Esaterako, helburu estrategiko bat izan liteke fabrikazio gehigarriko teknikak ikastea. Edo hirugarrenekin lankidetzak sortzea antolakunde batek eskaintzen duen balio-proposamena osatzeko. Eta beste hainbat ere zerrenda genitzake.   Enpresa arloan duzun esperientzian oinarrituta, landu dituzun edo lantzen ari zaren proiektu eta ekimenen artetik zein da gehien ase zaituena edo emaitza onenak izan dituena? Gaur egun, azterlan bat egiten ari gara ezagutzaren kudeaketak Euskadin duen egoerari buruz. Proiektu garrantzitsua da guretzat, hiru arrazoigatik: uste dugulako lagungarri izango dela enpresak gehiago kontzientziatu daitezen eta ikus dezaten aktibo ukigarriak estrategikoak direla gaur egungo ezagutzaren ekonomian; aukera emango digulako etorkizunean eta modu jasangarrian lehiakor izaten jarraitzeko hobetu behar ditugun alderdiak identifikatzeko; eta, azkenik, Geist-i berari lagunduko diolako ikusgarritasuna lortzen azterlanean parte hartzen duten antolakundeen artean.   Pertsonak eta euren ezagutza dira enpresen balio estimatuenak. Antolakundeak ohartzen dira horretaz? Uste dut Euskadiko enpresak, oro har, ez direla ohartzen zein garrantzitsuak diren eurentzat lan egiten duten pertsonak. Enpresa askok uste dute soldata-maila jakin bat nahikoa dela beren langileak motibatzeko eta talentua atxikitzeko. Halere, Maslow piramidearen arabera, ordainsaria bigarren mailakoa izatera igaro da ezagutzaren ekonomian, eta gailendu egin zaio zerbaiten parte izateko eta garrantzitsua izateko beharra. Horri gaineratu behar zaio pandemiak sortu duen normaltasun berriak azkartu egin duela lan-merkatuaren globalizazioa eta, ondorioz, gaur egungo eszenatokian posible da munduko edozein tokitan eta edozein tokitatik lan egitea. Eszenatoki horretan eskaintza eta eskaeraren legea aplikatzen badugu, argi izan behar da talentua bezalako baliabide mugatu bat eskuratzeko borroka estrategiko bihurtu dela antolakunde guztientzat. Gainera, enpresek ez dute behar edozein motatako talentua, baizik eta euren balio-proposamenaren bitartez euren negozio-eredua gauzatzen lagunduko diena. Eta horrek, noski, are gehiago murrizten du eskuragarri dagoen talentuaren eskaintza. Horregatik, guztiz ezinbestekoa da enpresak egoera horretaz jabetzea, bestela lehiakortasuna galduko dutelako, edo kasurik okerrenean, desagertu egingo direlako.   Zein giltzarri emango zenizkioke pertsonen eta talentuaren kudeaketaz arduratzen den enpresa edo zuzendaritza-kargu bati? Nahiz eta, lehen esan bezala, pertsonak eta talentua oinarrizko aktiboak diren antolakunde batean, aipatzekoa da ezagutzaren kudeaketak barne hartzen duenaren zati bat besterik ez direla. Ezagutzaren kudeaketa prozesu holistiko bat da, antolakundearen ikuspegi estrategikoarekin hasten dena, eta antolakunde bateko ezagutzaren sorkuntzan, biltegiratzean, banaketan eta erabilpenean zentratzen dena. Bestalde, ikusten ari gara euskal antolakunde askok, neurri batean testuinguru kulturalagatik, euren sustapen-sistemen oinarritzat hartzen dutela antzinatasuna edo hurbiltasun pertsonal nahiz politikoa, meritokrazia hartu beharrean. Hortaz, meritu gehiago eta hobeak dituzten langileek askotan antolakundearekiko konpromisoa galtzen dute, jarrera pasiboa hartzen dute, eta uko egiten diote euren ezagutza erabili eta partekatzeari edo antolakundea uzten dute. Kasu bietan, antolakundeak galdu egiten du pertsona horien ezagutza. Eta bigarren kasu horretan, ez dago atzera egiterik. Gauzak horrela, enpresei edo/eta zuzendaritza-kargu guztiei -eta ez soilik pertsonen arduradunei- gomendatuko nieke hausnartu dezatela galdera hauen inguruan:

• Zein ezagutza kritiko du antolakundeak bere balio proposamena eskaintzeko eta bere negozio-eredua gauzatzeko?
• Ezagutza kritiko horren zein zatik jarraituko du garrantzitsu izaten epe ertain eta luzera?
• Ezagutza horren zein zati gelditzen da antolakundean langileak euren lanaldia amaitu eta etxera joaten direnean?
• Zein ondorio ditu antolakundearentzat norbanako batek antolakundearekin duen erlazioa eteteak?

  [url] => https://www.spri.eus/ekintzaile/geist-consultancy-funtsezkoa-da-antolakundeetako-pertsonen-ezagutza-eta-gaitasunak-identifikatu-eta-optimizatzea-enpresak-arrakasta-izan-dezan/ [categoria] => Azpiegiturak [imagen] => [fecha] => 13 Abendu, 2021 )

Array ( [titulo] => Sprilur-ek jasangarritasun arloko jardunbide egokiak partekatu ditu EHUko Ingeniaritza Zibileko ikasleekin [content] => Sprilur-ek azaldu du zeintzuk diren bere proiektu eta obretan aplikatzen dituen eta urbanizazio eta eraikuntza jasangarriaren sektorean erreferentziazkoak diren “Eraikuntza jasangarriko gidaliburuen” giltzarriak.   Sprilur-ek (SPRI Taldean integratutako eta Eusko Jaurlaritzako Ekonomi Garapen, Jasangarritasun eta Ingurumen Sailaren menpeko sozietateak) unibertsitatera eraman ditu urbanizazio eta eraikuntzako proiektu eta obretan aplikatzen dituen jasangarritasun arloko jardunbide egokiak eta ingurumenarekin erlazionatutako neurriak. EHUko Ingeniaritza Zibileko ikasketa-programak berriro gonbidatu du Sprilur lan-saio batean parte hartzera eta bere esperientzia azaltzera. Saio hori 4. ikasturteko ikasleei zuzendurik dago, Obrak planifikatu eta kudeatzeko proiektuei buruzko programaren barruan. Aurkene Niñok, Sprilur Taldeko Jasangarritasun arduradunak hartu du parte saioan eta Eraikuntza eta Eraiste lanetako Hondakinei buruz mintzatu da.   Niñok azaldu du zeintzuk diren Eraikuntza Jasangarriko Gidaliburuetan jasotzen diren garapen jasangarriko neurriak, hots, Sprilur-ek eta Industrialdeak sozietateek gauzatzen dituzten proiektu, urbanizazio lan eta sustapenen eraikuntzan aplikagarri direnak. Aurten ingeniaritzako ikasleei jardunbide egokiak irakasteko hartu den adibidea Arteako Bildosola Industrialdea izan da, zeinetan hiru industria-eraikin berri egiteko proiektua eta lanak egin baitira Eraikuntza Jasangarriko Gidaliburuak aplikatuta. Proiektu hori exekuzio-fasean dago gaur egun.   Prestakuntza-saioan, Sprilur-eko Jasangarritasun arduradunak nabarmendu du BIM teknologia aplikatu dutela proiektuan eta orobat azpimarratu du beste hainbat neurri jasangarriren garrantzia, besteak beste, material jasangarri eta birziklagarriak erabiltzea, hainbat azterlan xehe egitea (geoteknia, hobekuntza energetikoko eta autokontsumo fotovoltaikoko ikerketak…), eta hondakinak balorizatzea, hondakin  gutxiago bota behar izateko. Ondorio bezala, esan du garrantzitsua dela “diseinuan eta eraikuntzan BIM teknologia inplementatzea, horrela eraginkorrago izateko eta erraz zuzendu daitezkeen datuak eskuratzeko, eta, bestetik, “beharrezkoa dela proiektuen jasangarritasun-maila hasieratik baloratzea, hasi diseinutik eta exekuzio, mantenimendu eta bizitzaren amaieraraino, etekina ateratzeko diru eta ingurumen aldetik”.   Operatiboki, gidaliburu hauek etengabe eguneratzen den onlineko plataforma ireki bat dira, non erakundeek eta enpresek hainbat parametro aurki ditzaketen (eraikuntzako elementuak, ekosistema-zerbitzuak, sarbidea eta mugikortasuna, ingurunearen integrazioa eta segurtasuna…), eta horiek baliatzen dituzte euren eraikina edo urbanizazioa pertsonalizatzeko eta, horrela, ingurumen arloko kalifikazioa lortzeko. Hala, plataformako erabiltzaileek DURBE bereizgarria eskura dezakete, hots, analisiaren bukaeran eta amaierako proiektuan lortutako anbientalizazio eta jasangarritasun gradua adierazten duen akreditazio ofiziala.   Sprilur-ek EHUrekin abiatua duen lankidetza-ekimen honen helburua da ezagutza eta esperientziak partekatzea enpresaren eta unibertsitatearen artean. Garapen jasangarriarekin hartua duen konpromisoari jarraiki, Sprilur Taldeak 2021-2024 urteetarako Plan Estrategikoan jasotako zortzi jarduera-ildoak txertatu eta lerrokatu ditu Garapen Jasangarriko Helburuekin (GHJ), Euskadi 2030 Agendan proposatutako helburuak lortzeko eta, era berean, giza garapeneko plan jasangarri bat ahalbidetzeko.   [url] => https://www.spri.eus/azpiegiturak-komunikazioa/sprilur-ek-jasangarritasun-arloko-jardunbide-egokiak-partekatu-ditu-ehuko-ingeniaritza-zibileko-ikasleekin/ [categoria] => Azpiegiturak [imagen] => [fecha] => 05 Abendu, 2021 )

Array ( [titulo] => Arratiako Industrialdeak eraikuntzako teknologia jasangarriak erabili ditu Arteako industrialdean [content] => Sprilur, Eusko Jaurlaritzako azpiegituren sozietate publikoa, eraikuntza jasangarriarekin hartua  duen konpromisoa betetzen ari da, Sprilur-en  Garapen Jasangarriko Gidaliburuan eta Ihoberen Eraikuntza Iraunkorrerako Gidan jasotako neurriak aplikatuz. Era berean, hilean behin jarraipena egiten dio Arteako Bildosola Industrialdean (Arratiako Industrialdea) egiten ari den sustapen berriari, eraikuntza prozesua hobetu eta zuzentzeko. Sustapen horrek 9 pabilioi izango ditu, eta 11.545 metro koadroko partzela batean eraikiko da, zeinak 9.229 metro koadroko gehienezko eraikigarritasuna izango baitu.   Bildosolako Industrialdeko eraikinak BIM-Building Information Modeling tekniketan oinarrituta eraiki dira. Metodologia horren bidez, eraikinak 3Dn eta denbora errealean modelatzen dira, eta hobetu eta murriztu egiten dira exekuzio-denborak eta diseinurako zein eraikuntzarako behar diren baliabideak. BIM modelaketak eraikin baten informazio xehea administratzen du -proiektu bakoitzaren ezaugarri bereizgarriak barne-, hasi diseinutik eta mantenimenduraino. Horrela, inbertsioa eta baliabideak optimizatzen dira, helburu honekin: jasangarritasunarekin lotutako ezaugarriak ematea eraikinari eta exekuzio-epeak modu zehatzagoan administratzea (hala denboran nola forman), beharrezkoak ez diren kostuak saihestuz eta eraikinaren etorkizuneko mantenimendua eta birmodelaketa sistematikoki erraztuz. Funtsean, BIM modelaketarekin posible da edozein eraikinen bizi-zikloaren kudeaketa optimizatua eta digitala lortzea.   Hauek izan dira, besteak beste, Bildosolako eraikin berrien garapenean aplikatu diren eraikuntzako alderdi bereizgarrienak: neurrira eginiko azterketa geotekniko bat prestatzea, lurren mugimendua errazteko obren exekuzio-fasean; hormigoizko egitura aurrefabrikatu bat erabiltzea, eta sandwich-panelak jartzea fatxaden eta estalkien inguratzaileetan; bertako material jasangarri eta birziklagarriak erabiltzea eraikinen eta erabilitako materialen bizitza erabilgarria luzatzeko; agregakin siderurgikoetatik eratorritako agregakin balorizatuak erabiltzea, eta baita ere agregakin birziklatuekin eginiko elementu aurrefabrikatuak.   Gainera, energia eraginkortasunarekin erlazionatutako neurriei dagokienez, diseinatu den proiektuak bere baitan hartzen du azterketa energetiko bat, bertan instalatu nahi duten enpresek autokontsumorako aukera izan dezaten energia berriztagarri fotovoltaikoen bitartez.   Eraikin hauen garapen-prozesuko bereizgarri garrantzitsuenak dira: eraikuntzen sinpletasuna, kostuak murriztea,  arrisku-mailaren optimizazioa suteetan, hirigintza-aprobetxamenduaren erabilera ahalik eta handiena, sentsibilitate berezia “Jasangarritasunarekiko” eta “Energia Eraginkortasunarekiko”, eta 500 - 1.200 m²ko moduluak, erraz elkartu edo bereizteko. Eraikuntzaren egiturak 10 tonako zubi-garabiak jasan ditzake pabilioi handietan, eta 5 tonakoak gainerakoetan.   Sprilur-ek aurreikusi du 2022ko udan amaituko direla Bildosolako bederatzi pabilioien eraikuntza-lanak.   [url] => https://www.spri.eus/berrikuntza-komunikazioa/arratiako-industrialdeak-eraikuntzako-teknologia-jasangarriak-erabili-ditu-arteako-industrialdean/ [categoria] => Azpiegiturak [imagen] => [fecha] => 02 Abendu, 2021 )

Array ( [titulo] => SPRI Taldeak Euskararen Nazioarteko Egunarekin bat egin du [content] => Abenduaren 3an egingo den Euskararen Nazioarteko Egunarekin bat egin du SPRI Taldeak, erakunde barruan ez ezik euskal industriaren eremuan ere euskararen erabilera sustatzeko apustua berretsiz. INDEUS Industriaren Euskal Plataformaren sortzaile eta sustatzailea da SPRI, Energiaren Euskal Erakundea, Hizkuntza Politikarako Sailburuordetza eta Arabako, Bizkaiko eta Gipuzkoako Foru Aldundiekin batera. Euskal Autonomia Erkidegoko industria arloan euskararen presentzia areagotuz, euskal enpresen lehiakortasunaren euskarri izateko helburuarekin sortu zen duela hiru urte eta dagoeneko 26 dira INDEUSen parte hartzen duten enpresa, erakunde eta elkarteak. Halaber, Industria Berriaren Hiztegia ere garatu du SPRIk, enpresek euskaraz lan egiteko kontzeptu eta hitz berriak eskura izan ditzaten. Honekin batera, euskara ardatz hartuta jarduten duten eragile desberdinekin ere harreman-bideak zabaldu ditu azken urteotan SPRIk, euskal industriaren esparruan hizkuntzaren hedapena babesteko, besteak beste egunotan egin den Materialen Zientzia eta Teknologia Kongresua, Euskarabildua jardunaldia  edota Enpresarean azoka eta foroa 2021eko Euskararen Nazioarteko Eguneko adierazpen instituzionalak dioen bezala “Euskara, bidelagun ez ezik, lanabes eraginkor bilakatzeko aukera paregabea dugu guztion esku. Euskara prest dugu; gure gizartea, gogotsu; gure herria, erabakia hartuta. Abia gaitezen!”      [url] => https://www.spri.eus/azpiegiturak-komunikazioa/spri-taldeak-euskararen-nazioarteko-egunarekin-bat-egin-du/ [categoria] => Azpiegiturak [imagen] => [fecha] => 30 Azaroa, 2021 )

Array ( [titulo] => Eibarko Azitain Industrialdeak 7 modulu ditu eskualdeko proiektu ekintzaileentzat [content] => Azitaingo “Eibargunea” enpresa-haztegia Sprilur-en (Deba Bailarako Industrialdea), Eibarko Udalaren eta Debegesaren arteko lankidetza-akordio baten ondorioz sortu zen, eskualdeko ekimen ekintzaileak bertan ezartzen laguntzeko. 176 metro koadroko espazio bat da, 7 modulu independente, 2 bilera-gela eta office bat dituena Deba Behea eskualdeko ekintzaileentzat.   Deba Bailarako Industrialdeak kudeatzen duen Eibarko Azitain Industrialdeak “Eibargunea” enpresa-haztegiaren esku jarri du 176 metro koadroko espazio bat, zeinak 7 modulu independente, 2 bilera-gela eta office bat eskaintzen baititu Deba Behea eskualdean sortutako ekimen ekintzaileentzat. Sprilur-ek, Eibarko Udalak eta Debegesa eskualde mailako agentziak 2017an sinatutako akordio baten ondorioz, “Eibarguneak” toki bat eman die proiektu bat hasteko eta enpresa munduan sartzeko atondutako espazioak behar izan dituzten 8 ekimen ekintzaileri. Hauek izan dira aurten Azitaingo Eibargunean sartu diren bi ekimenak: Kristina Mirchuk, Geist (aholkularitza eta ezagutzaren kudeaketa) eta Lander Martínez (arkitekturako zerbitzu profesionalak). Gainerako ideia ekintzaileek, proiektuen abiarazte-fasea bukatu ahala eta beren jardueren hazkundeak hartara bultzatuta, erabaki zuten beste kokapen batzuetara joatea. Ekimen honen helburua da Deba Behea eskualdeko ekintzaileei (proiektu berriak, spin off ekimenak edo negozio-ideia berritzaileak) laguntzea aukera eskainiz lan-espazio eta lokal ekipatuak izateko eta partekatzeko, eta euren proiektuak abiarazteko inbertsio oso txiki batekin.   Hala, Deba Behea eskualdean sortutako ekimen ekintzaileek, beren proiektuaren bermepean, aukera dute atondutako lokalak erabiltzeko adostutako denboran, eta euren proiektu berriak edo negozio-ideia berritzaileak aktibatu eta martxan jartzeko.   Behin proiektua abiarazi ondoren azalera handiagoa behar badute berau garatzeko edo/eta handitzeko, Deba Bailarako Industrialdeak 176 metro koadroko beste lokal bat du eraikin berean, bertan kokatu ahal izateko “Eibargunea” haztegian sortutako proiektuen zabalkundea edo instalazio egokiak behar dituen beste edozein jarduera ekonomiko. Ideia edo ekimen bat duen eta informazioa, aholkularitza edo laguntza (martxan jartzeko, sendotzeko, instalatzeko edo merkatu berrietara irekitzeko) behar duen edozein ekintzaile edo pertsonak erabil ditzake Debegesa Garapen Agentziak, Sprilur-ek eta Deba Bailarako Industrialdeak (SPRI Taldea eta Ekonomi Garapen, Jasangarritasun eta Ingurumen Saila) Eibarko Udalarekin batera eskaintzen dituen laguntza-zerbitzu horiek. [url] => https://www.spri.eus/ekintzaile/eibarko-azitain-industrialdeak-7-modulu-ditu-eskualdeko-proiektu-ekintzaileentzat/ [categoria] => Azpiegiturak [imagen] => [fecha] => 30 Azaroa, 2021 )

Array ( [titulo] => Lentitech-ek bere diseinu industriala erregistratu du EBn Hazinnova programaren laguntzarekin [content] => Lentitech S.L. Barakaldon kokatutako enpresa bat da, produktu optikoen fabrikazioan espezializatua dagoena. 10 pertsona ditu plantillan, eta familia ETE bat da, lErgofocus System proiektua -lenteen neurketarako patentatutako sistema- garatu, ekoitzi, ustiatu eta merkaturatzeko sortu zena. Lentitech enpresako lantaldeak premia oso zehatz bat zuen: eskaera bat egitea bere produktu baten diseinu industriala erregistratzeko, eta bere marka EUIPOn erregistratzea, hau da, EBren Jabetza Intelektualeko Bulegoan. Prozesua hain konplexua izaki, enpresak Hazinnova laguntza eskatzea erabaki zuen, behar zuen babesa jasotzeko. Hazinnova programa doako aholkularitza espezializatua eskaintzen duen zerbitzu bat da, Eusko Jaurlaritzak, SPRI Taldeak eta Innobasque Berrikuntza Agentziak bultzatua. Programa honek 50 aholkularitza-ordu eta hurbileko Hazinnova agente baten laguntza eskaintzen dizkie euskal enpresei, konponbide berriak bultzatu ditzaten erronka zehatz bati aurre egiteko. Lentitech enpresaren kasuan, premia argia zen: bere produktuaren eta markaren jabetza industriala kudeatzea.

EUIPOn erregistratzeko laguntza espezializatua

ETEak aholkularitza eta laguntza behar zituen enpresak garatutako analisi optikorako gailu baten diseinu industriala eta Europa osoan erabiliko duen logo berri bat erregistratzeko. Hazinnova laguntzaren onuradun denez, Lentitech-ek aholkularitza espezializatu baten babesa jaso zuen prozesu osoan laguntzeko. Zehazki, Niza sailkapena identifikatu zuen enpresak eskaintzen dituen edo eskainiko dituen produktu eta zerbitzuentzat, eta baita ere Locarno sailkapena diseinu industrialarentzat. Aztertu zuten ea bideragarria zen marka EBn erregistratzea, eta azkenean erregistro eskaera egin zuten. Enpresak berak azaldu bezala, prozesuan ez zen inolako eragozpenik egon, baina aholkularitzak emandako zerbitzua ezinbestekoa izan zen erregistroa arrakastaz burutzeko, prozesua oso konplexua baitzen. Lentitech-ek emaitza ukigarriak lortu ditu Hazinnova laguntzaren bitartez, eta emaitza horiek inpaktu zuzena izan dute bere lehiakortasunean, aukera eman baitie euren produktua eta marka babesteko Europako zein nazioarteko merkatuan. Hala, enpresak bi aldaera desberdinetan erregistratu du bere diseinua (bata AEBetara zabaltzeko aukera ematen duena), eta produktuetan jarriko duen logo berria ere babestu du. Lentitech-eko lantaldearen arabera, aholkularitzaren profesionaltasuna oinarrizkoa izan da egin dituzten erregistro-eskaeretan arrakasta izateko. [url] => https://www.spri.eus/berrikuntza-komunikazioa/lentitech-ek-bere-diseinu-industriala-erregistratu-du-ebn-hazinnova-programaren-laguntzarekin/ [categoria] => Azpiegiturak [imagen] => [fecha] => 25 Azaroa, 2021 )

Array ( [titulo] => Sprilur-ek Muxikako INAMA lantegi zaharra birgaituko du Rotobasque enpresak 4.0 Industriako proiektu bat garatu dezan bertan [content] => Sprilur-ek (SPRI Taldean integratutako eta Ekonomi Garapen, Jasangarritasun eta Ingurumen Sailari atxikitako sozietateak) aurreikusten du 18 milioi euro inbertituko dituela Urdaibai eskualdean, zehazki Muxikan, 60.000 m²ko eremu bat birgaitzeko. Proiektu estrategiko horren helburua da Rotobasque enpresak bultzatuko dituen bi proiektu berri ostatatzea: lehena, 2022an finkatuko dena, 4.0 industriari lotua dago, eta bigarrena, epe luzekoa, ekonomia jasangarriko jarduerei.   Urdaibaik industria-sarearen deskapitalizazio handia jasan du azken hamarkadetan, eta eskualdearen dinamizazioa bultzatzeko asmoz, lurzoruaren kudeaketako Sprilur sozietate publikoak Muxikako Inama lantegi zaharraren instalazioak erosiko ditu. Hasteko, han kokatutako eraikin bat zaharberritu eta birgaituko dute, gaur egun erabiltzen ez dena, eta Rotobasque enpresari salduko diote bere proiektu berrirako.   Balizko jarduera hori primeran integratzen da ingurunearekin, Urdaibaik berezkoa duen ingurumen-aberastasun bereziagatik.   Bi enpresa-ekimen horiek erabilgarri dagoen azalera industrial osoa hartuko dute eta, gainera, konektagarritasun azpiegiturak eta banda zabaleko sarerako sarbidea izango dute. Aurreikusitako 18 milioi euroko inbertsioak zuzeneko ehun lanpostu inguru sortuko ditu datozen urteetan, zeintzuk zuzenean erlazionatuta egongo baitira jasangarritasunarekin eta ekonomia zirkularrarekin.   Rotobasque oinarri teknologikoko enpresa bat da, errotaziozko moldeaketa (edo rotomoldeaketa) bidezko plastikoen eraldaketan espezializatua, zeinak egungo negozioa zabaldu eta osatuko baitu 4.0 industriako proiektu berri horrekin.     Inbertsio industrial estrategikoak   Sprilur-ek Urdaibaiko lurzorua eta instalazioak birgaitzeko gauzatuko duen inbertsio-plan hau integratuta dago Eusko Jaurlaritzak onartu dituen ildo estrategikoetan eta ezohiko inbertsioetan.   Zentzu horretan, Sprilur Taldeak aurreikusi dituen jarduera-ardatz eta proiektuen (2021-2024 Plan Estrategiko berrian jasota daude) lehentasunezko helburuak dira espazioak, zerbitzuak eta azpiegiturak eskaintzea industria-jarduera bermatzeko hazkunde ekonomiko jasangarri eta inklusibo baten bidez, eta baita ere industria-lurzoruak optimizatzea, erabiltzen ez diren lur-arloak eraberrituz, birgaituz, deskontaminatuz eta berreskuratuz. Plan Estrategiko berria definitzeko orduan, Sprilur Taldeak txertatu egin ditu Garapen Jasangarriko Helburuetan (GHJ) aurreikusitako zortzi jarduera-ildoak, Euskadi 2030 Agendan proposatutako helburuak lortzeko eta, era berean, giza garapeneko ekintza-plan global eta jasangarria ahalbidetzeko gizarte, ekonomi eta ingurumen arloetan.   Jarduera-ildo estrategiko horiek martxan jartzeko, Sprilur Taldeak oinarritzat hartuko ditu, batetik, Industria Garatzeko eta Nazioartekotzeko Plana, hondatutako industria-lurzoruak lehengoratu eta balioan jartzeko, eta bestetik, Euskadiko ekonomia eta enplegua suspertzeko BERPIZTU programa, Lehentasunez Jarduteko Eremuak (LJE) Bultzatzeko Erakunde-arteko Planaren eta Eskualdeetako Plan Estrategikoen (Ezkerraldea-Meatzaldea, Enkarterriak, Oarsoaldea eta Aiaraldea) bitartez. Bestalde, eskura izango ditu baita ere “Euskadi Next" 2021-2026-Berreskuratze eta Erresilientzia Programako funtsak. Programa horren helburua da industria-lurzorua lehengoratzea, zaharkituta dauden eraikinak zaharberritzea eta babesa ematea proiektu estrategiko berritzaile eta jasangarrien sorkuntzari.     Muxikan ekimen berritzaile bat ezartzeak eta Inama bezalako espazio bat zaharberritzeak proiekzio ekonomiko eta soziala ematen dizkio eskualdeari, garapen jasangarriaren inguruko plan, jarduera eta helburuak inoiz baino garrantzitsuagoak diren honetan. [url] => https://www.spri.eus/azpiegiturak-komunikazioa/sprilur-ek-muxikako-inama-lantegi-zaharra-birgaituko-du-rotobasque-enpresak-4-0-industriako-proiektu-bat-garatu-dezan-bertan/ [categoria] => Azpiegiturak [imagen] => [fecha] => 25 Azaroa, 2021 )

Array ( [titulo] => Embalan3, makina-erremintaren sektorerako enbalaje industriala [content] => 50 urte baino gehiagoko esperientziarekin, Embalan3 egurrezko eta neurrira egindako enbalatzeko materiala diseinatzen eta fabrikatzen du. Bergaran (Gipuzkoa) duen egoitza nagusitik makina-erremintako, ekipo-ondasuneko, trenbideko eta energiaren sektoreko enpresei ematen die zerbitzua, besteak beste. Gaur egun 50 profesional inguru ditu. Ion Alberdi Embalan3ko zuzendari gerenteak argitu duenez, “merkantziaren defentsa egiten dugu, garraioan kaltetu ez dadin eta helmugara baldintza onetan irits dadin”. Azken urte hauetan, Embalan3k bezeroei zerbitzu integrala ematearen aldeko apustua egin du, enbalaje-materiala saltzera eta logistika-zerbitzua bideratuta. Plasgad multinazionalarekin batera, Epack3 enpresa sortu du, palletak, kaxa tolesgarriak, tiraderak, plastikozko ontziak eta packaging materialak merkaturatzen dituen enpresa. Gainera, 2019tik, enpresa gipuzkoarrak bigarren lantegi bat du Zaramillo de Güeñesen (Bizkaia) kokatuta, Bilboko portutik oso gertu. “Estrategikoki, guretzat garrantzitsua da portutik gertu egotea, gure bezeroek portuan duten edozein beharrizani azkarrago erantzun diezaiokegulako. Gainera, kokapen horrek aukera ematen digu gure eremuan (Gipuzkoa) ez dauden bezero potentzialekin harremanetan jartzeko”, gaineratu du Ion Alberdik. COVID-19ak eragindako pandemiaren ondorioz, Embalan3-en merkatuaren beharrak ikusita, eta beste arlo batzuetan lanik ez zegoenez, metakrilatozko manparak egiten hasi ziren farmazietarako, osasun-zentroetarako, enpresetarako eta erakunde publikoetarako, besteak beste. Maskarak fabrikatzen dituen Wolfratrex enpresaren sorreran ere parte hartu zuen, Lazpiur, Egile eta IDRrekin batera. Etorkizunera begira, Gipuzkoako enpresak produktu berrien garapenean lan egiten du. Gainera, Bergarako instalazioak handitzeko eta berritzeko lan prozesuan murgilduta dago. “Adibidez, gure gaitasuna handituko duen ebaketa-lerro berri bat gehitu nahi dugu”, Embalan3-eko zuzendari gerenteak azpimarratu duenez. SPRI Taldeak laguntza ematen dio euskal enpresari, laguntza-programen bidez, trantsizio teknologiko-digitala, energetiko-ingurumen-trantsizioa eta gizarte- eta osasun-trantsizioa errazteko. Aurkitu hemen zure negozioaren beharretara hobekien egokitzen den programa.   [url] => https://www.spri.eus/berrikuntza-komunikazioa/embalan3-makina-erremintaren-sektorerako-enbalaje-industriala/ [categoria] => Azpiegiturak [imagen] => [fecha] => 16 Azaroa, 2021 )

Array ( [titulo] => Sprilur-ek Industrialdeak bildu ditu 2022rako industri lurzoruaren estrategiak eta inbertsioak definitzeko [content] => SPRILUR-Lurzoru eta enpresa poligonoen kudeaketako Eusko Jaurlaritzaren sozietateak, eta berak partaidetutako eskualde mailako Industrialdeak sozietateek batzar bat egingo dute datorren azaroaren 19an, hurrengo ekitaldirako azpiegitura arloko lan-ildoak eta inbertsio-estrategiak finkatzeko. SPRILUReko zuzendari nagusi Txaber Ourok esan duenez, “azpiegiturek dinamismo gehiago izan dute 2021. ekitaldian, batez ere sektore indartsuenen inbertsio-proiektuek bultzaturik”. Horrekin bat, nabarmen egin du gora ezarpen berrientzako lurzoru eta industrialde eskaerak, eta Eusko Jaurlaritzak 23,5 milioi euro  eman dizkio (bi urtean) Sprilur-i Azpiegituretarako Ezohiko Funtsaren bitartez. Kopuru horri gehitu behar zaizkio aurrekontu arrunteko beste 11,1 milioi euro, eta Eskualde Plan Estrategikoetako 82,55 milioi euro (3 urterako). Enpresa-dinamizazioko testuinguru horretan, Sprilur-ek bilera batera deitu ditu hiru lurralde historikoetan jarduten duten 13 Industrialdeak sozietateetako ordezkariak, baliabideak aztertu eta optimizatu ditzaten eskura dituzten funtsen arabera, eta enpresen inbertsio premietara egokitu ditzaten eremu eta eskualde bakoitzeko beharren arabera. Sprilur jarduera ekonomikoetarako azpiegituren arloan lan egiten euskal erakunde publikoa da eta bere helburua da enpresa lehiakor eta ongi kokatuak EAEn finkatzen laguntzea.  Era berean, garapen jasangarriarekin hartua duen konpromisoaren testuinguruan, Sprilur-ek lurzoru eta eraikinen birgaitze eta zaharberritzea lehenesten du, balioa emateko erabiltzen ez diren aktibo industrialei. Sprilur-ek azpiegitura arloan egiten dituen jarduerak bereziki garrantzitsuak dira kontuan harturik gure lurraldearen orografia malkartsua eta lurzoru berriak ez artifizializatzeko dagoen joera. Industrialdeak sozietateak, bestalde, eskualde mailako erakunde batzuk dira, euskal erakunde garrantzitsuenek partaidetuak (Eusko Jaurlaritzak Sprilur-en bitartez, Foru Aldundiek eta Udalek) esparru lokalean jarduteko enpresentzako hurbileko agente bezala,  enpresei ematen dizkieten zerbitzu eta laguntzekin  errazago kokatu daitezen kudeatzen dituzten 100dik gora enpresa-guneetan. [url] => https://www.spri.eus/azpiegiturak-komunikazioa/sprilur-ek-industrialdeak-bildu-ditu-2022rako-industri-lurzoruaren-estrategiak-eta-inbertsioak-definitzeko/ [categoria] => Azpiegiturak [imagen] => [fecha] => 10 Azaroa, 2021 )

Array ( [titulo] => Aratubo enpresak “urte ona” izan du merkatura egokitzeko erakutsi duen gaitasunagatik [content] =>   Aratubo konpainia garrantzitsua da Araban, 50 urtetik gorako esperientzia du zehaztasunezko altzairu soldatuzko hodien fabrikazioan eta sektore anitzentzat lan egiten du. Jundizko industrialdean du egoitza, 180 pertsona enplegatzen ditu eta presentzia du 20 herrialde baino gehiagotan. Azken urteotan, hazkunde handia bizi izan du bai kopurutan eta bai baloretan. Lantegi bat izatetik hiru izatera igaro da (guztira 70.000 m²), eta gai da urtean 115.000 tona hodi egiteko, zeintzuk Europara, Afrika Iparraldera, Mexikora eta Errusiara bidaltzen baititu. Enpresako kudeatzaile José Manuel Romerok aipatu bezala, gaur egun ekoizten duten guztiaren % 90 esportatzen dute.   Nola joan zaizkizue gauzak amaitzekotan den 2021 gorabeheratsu honetan? Urtea gorabehera, gure egoera nahiko ona da. Garai zailak bizi ditugu aurreikusi ezineko faktoreak tarteko, adibidez, argindarraren fakturaren gain-kostuak, hornidura eta lehengai eza, arazoak itsasoko logistikan… Urte zaila izan da, baina, zorionez, ongi definitutako ildoa eta ibilbidea daramatzagu, hau da, negozio-eredu argi eta koherente bat finkatu dugu, eta horri esker, egoerak ez digu hainbeste eragin eta ongi itxiko dugu urtea.   Ekoizpenari, plantillari edo egoitza kopuruari dagozkien datuez harago, nola definituko zenuke Aratubo une honetan? Enpresa gazte, moderno eta oso malgua gara, urteak daramatzana lanean eta bezeroa eta berarentzako zerbitzua jartzen erabaki guztien erdigunean. Guretzat estrategikoa da esperientzia hori positibo egitea eta indartzea.   Noiz ohartu zineten zuen negozio-eredua aldatu behar zenutela? , commodity bat izatetik amaierako produktuaren fabrikatzaile bihurtu behar zenutela? Krisi baten testuinguruan gertatu zen. 2008ko krisian, hain zuzen. Urte hura oso ongi hasi zen, lehen seihilekoa oso ona izan zen industria siderometalurgiko guztiarentzat, baina prezioak bortizki igo ziren bigarren seihilekoaren amaieran, eta hori kolpe latza izan zen guretzat. Inflexio-puntu bat izan zen, eta sektorean 80 urteko esperientzia duen Arania Taldeak (zeinaren kide baikara) erabaki zuen aldatu egin behar genuela, zerbait desberdina egin behar zela. Orduan indarra hartu zuen sektore anitzetara bideratu beharraren ideiak, betidanik enpresako baloreetako bat izan denak. Hala, balio handiagoko produktu bat lortu genuen, teknikoagoa, lehiakideengandik bereizi gintuena.   Zein bezerorentzat dira zuen zehaztasunezko hodiak? Hiru bezero mota dauzkagu: lehenik, banaketa hutsa, produktu estandarrenarekin egiten dena. Bigarrenik, lan asko egiten dugu automozio sektorearekin; guretzat oinarrizkoa da, fakturazio osoaren % 35 hartzen baitu. Eta gainerakoa, amaierako produktua fabrikatzen duten bezeroak dira: aplikazioak egiten dituztenak (mantenimenduko arrabolak), biltegi logistikoetarako hodiak, gama altuko altzariak (adibidez, Ikea-ko mahai ergonomikoak) edo oinarrizko industria (ospitaleetako altzarietarako hodiak). Ohartzen ez bagara ere, hodiz inguratuta gaude.   Zuen kasuan, fabrikatzaile-hornitzaile integral izatea al da helburua? Esan liteke baietz. Gaur egun pieza bukatuak eskaintzen dizkiogu amaierako bezeroari, eta automozioaren kasuan joera hori hazten ari da, indarra eman diotelako Tier 1 multzoko bezeroek, zeintzuek hornikuntza-kate osoaren zerbitzu integrala eskatzen baitute.   Energia asko kontsumitzen duen enpresa bat zarete… Zentzu horretan, nola egiten diozue aurre argindarraren etengabeko prezio igoerari? Ez gara industria elektrointentsiboa, baina kalkulatu dugu azken hilabeteotako argindarraren igoerak nolako ondorioak izan ditzakeen guretzat datorren urtean.   Eta zer diote datu horiek? Balitekeela energiaren kostua % 20-25 bitarte haztea datorren urtean. Zentzu horretan, lantegi fotovoltaiko bat sortzeko aukera lantzen ari gara; lagungarri izango litzateke autokontsumorako eta horrelako kostuen inpaktua leundu eta murrizteko.   Badirudi enpresa batek etengabe berrasmatu behar duela bere burua, eta ziztu bizian egokitu behar duela aldaketetara… Hori da gaurko enpresa guztion erronka nagusia. Adituek VUCA (volatility, uncertainty, complexity, ambiguity) izena jarri diete egungo enpresa-inguruneei, eta horixe egokitu zaigu, baina zorionez, gure DNA-n daramagu geure burua berrasmatu behar hori. Hau da, moldakorrago izan behar dugu, merkatuko baldintzetara egokitzen jakin behar dugu eta beti jarri behar dugu fokua bezeroarengan, bera baita bidea markatzen diguna.   Bezeroari entzutea… Hori oinarrizkoa da guretzat, jakina. Ezin dugu inoiz ahaztu, bestela fokua galduko genuke eta. Ildo horri jarraiki, Aratubo enpresan badugu sail komertzial bat, alegia, rara avis bat, jende asko daukagulako eguneroko lan horretan aritzen dena eta bezeroarekin eguneroko harreman zuzena duena. Eta horixe da gure indarguneetako bat, dudarik gabe, bezeroa baita bidea markatzen diguna, berak gidatu gaitu orain arte eta berak erakutsiko digu etorkizuna.   Zeintzuk dira konpainiaren etorkizuneko perspektibak? Aratubo errotu nahi dugu guretzat estrategikoak diren merkatuetan, esaterako Europa iparraldean eta erdialdean. Horrekin batera, azken urteotan izan dugun hazkunde sostengatuari eutsi nahi diogu. [url] => https://www.spri.eus/azpiegiturak-komunikazioa/aratubo-enpresak-urte-ona-izan-du-merkatura-egokitzeko-erakutsi-duen-gaitasunagatik/ [categoria] => Azpiegiturak [imagen] => [fecha] => 09 Azaroa, 2021 )

Array ( [titulo] => Sprilur-ek Matsariako 12 pabilioi industrial erosiko dizkio Eusko Jaurlaritzako Etxebizitza Sailari [content] => SPRI Taldean integratutako eta Ekonomi Garapen, Jasangarritasun eta Ingurumen Sailari atxikitako Sprilur sozietateak Eibarko Matsaria industrialdean dituen aktiboak erosiko dizkio Eusko Jaurlaritzari. Gobernu Kontseiluak berriki (2021/10/19) eman du operazio honetarako baimena, zeinaren bidez Eusko Jaurlaritzako Lurralde Plangintza, Etxebizitza eta Garraio Sailak 11 pabilioi, bulego bat eta 33 garaje plaza salduko baitizkio Sprilur sozietateari.   Salerosketa bi eskrituratan formalizatuko da; lehenengoa 2021ean sinatuko da, eta bere bitartez 10 pabilioi transferituko zaizkio Sprilur-i 2.797.269 euroren truke. Bigarrena, 2022an sinatuko da, eta bigarren honen bidez bulego bat, pabilioi bat eta 33 garaje-plaza transferituko zaizkio 966.336 euroren truke.   Sprilur-ek 6.890 metro koadroko azalera erosiko du pabilioientzat, eta baita ere 255 metro koadroko bulego bat. Espazio erabilgarriak 255 eta 1.203 metro koadro bitartekoak izango dira eta jarduera industrialetara edo zerbitzuetara bideratuta egongo dira.   Azken urteotan, Sprilur-ek Matsarian zeuzkan 12 pabilioiak (5.900 metro koadroko okupazioa dutenak) merkaturatu ditu. Pabilioi horietan instalatu diren enpresek askotariko jarduerak garatzen dituzte: automozioko ekipoen banaketa, vending makinen salmenta, banaketa elektrikoa, aisialdi eta kirol jarduerak, enpresa industrialentzako tresneria hornikuntza, automoziorako margoen salmenta, eta hiriko deposituen banaketa eta mantenimendua.   Horrez gain, 500 metro koadroko azalerako beste 4 lokal tertziario okupatu dira eta han instalatu diren enpresek jarduera hauek garatzen dituzte: hortzetako laborategia eta zerbitzuak, ekipamendu informatiko eta ofimatikoaren banaketa, animalien tanatorioa eta ekipo elektrikoentzako zerbitzuak. Gaur egun Matsarian dauden 16 enpresek 90 langile inguru enplegatzen dituzte.   Sprilur-ek 2011n amaitu zituen Matsarian hiru eraikin industrial (8.751, 6.591 eta 5.980 metro koadrokoak) eraikitzeko lanak, helburutzat harturik ingurune industrial hurbiletako enpresak hara eramatea eta jarduera industriala hirigunetik urruntzea, betiere Eibarko Udalarekin eta Eusko Jaurlaritzako Etxebizitza Sailarekin lankidetzan. [url] => https://www.spri.eus/azpiegiturak-komunikazioa/sprilur-ek-matsariako-12-pabilioi-industrial-erosiko-dizkio-eusko-jaurlaritzako-etxebizitza-sailari/ [categoria] => Azpiegiturak [imagen] => [fecha] => 04 Azaroa, 2021 )